Вы тут

На Гродзеншчыне парушаліся выплаты зарплаты кіраўнікам арганізацый


Камітэтам дзяржкантролю Гродзенскай вобласці ўстаноўлены факты парушэнняў выплаты заработнай платы кіраўнікам арганізацый.


Распаўсюджанай з'явай стала выплата заробку кіраўніку без уліку ўстаноўленага кантрактам каэфіцыента.

Ёсць факты рэзервіравання заработнай платы з мэтай яе выплаты ў тыя месяцы, калі каэфіцыент становіцца ніжэйшы за кантрактнае значэнне. Такая сітуацыя, канстатуюць спецыялісты дзяржкантролю, магчыма як пры росце заработнай платы работнікаў арганізацыі, так і пры зніжэнні зарплаты кіраўніка з-за нявыкананых паказчыкаў альбо па іншых прычынах, якія пазбавілі яго стымулюючых выплат.

Менавіта такім чынам паступілі на адным з прадпрыемстваў ЖКГ. Паколькі каэфіцыент быў завышаны, сума перавышэння ў памеры 130 рублёў была аднесена ў рэзерв зарплаты дырэктара для наступных выплат. У ходзе праверак рэзерв быў расфарміраваны.

Дарэчы, на адным з прадпрыемстваў гандлю за 6 месяцаў гэтага года лішняя сума выплат перавысіла 2 тыс. рублёў.

Значную ролю ў налічэнні зарплаты адыгрывае і правільна вызначаная пасада кіраўніка. Праверкай выяўлена неабгрунтаванае прысваенне кіраўніку прадпрыемства лёгкай прамысловасці пасады «генеральны дырэктар», хоць ніякіх філіялаў, асобных падраздзяленняў не было. Тым самым быў няправільна вызначаны тарыфны каэфіцыент кіраўніка і яго намеснікаў і, як вынік, ажыццёўлена неабгрунтаваная выплата ім заработнай платы ў агульнай суме звыш 6 тыс. рублёў. Гэтыя сродкі былі вернуты, але імідж кіраўніка значна пахіснуўся, лічаць у Камітэце дзяржкантролю.

Маргарыта УШКЕВІЧ

margo@zviazda.by

Загаловак у газеце: Перавысілі паўнамоцтвы

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.