Вы тут

Раім схадзіць


Вечаровыя лекцыі з «Вандроўкамі ў мінулае», TEDx MinskWomen, спаборніцтвы па паяданні дранікаў на хуткасць і міжнародны фестываль «Minsk Magic» – афіша «Звязды» з 31 кастрычніка па 5 лістапада.


Вечаровыя лекцыі з «Вандроўкамі ў мінулае»

Дзе: Літаратурны музей Петруся Броўкі (вул. К. Маркса, 30)

Калі: 1 лістапада, 19:00

Колькі каштуе: 3 р. (уваход у музей)

Лекцыі будуць праходзіць у самым цэнтры Мінска, у цудоўным старажытным таямнічым доме. Вы плоціце за ўваход у музей і, акрамя таго, што слухаеце лекцыю, можаце паглядзець і экспазіцыю. 


TEDx MinskWomen

Дзе: галерэя TUT.BY (пр-т Дзяржынскага, 57)

Калі: 2 лістапада, 19:00

Колькі каштуе: бясплатна

Фармат падзеі: прагляд сесіі TEDWomen2017 Bridges з Новага Арлеана і нефармальнае абмеркаванне ўбачанага. Выступленні будуць транслявацца на англійскай мове, без субтытраў. Але калі нейкая частка зместу выслізне, удзельнікі мерапрыемства змогуць аднавіць яе пасля трансляцыі – кожную гаворку будзе ўважліва слухаць валанцёр-перакладчык, які затым яе патлумачыць.


Спаборніцтвы па паяданні дранікаў на хуткасць

Дзе: Чэрвеньскі рынак

Калі: 4 лістапада, 12:00

Колькі каштуе: бясплатна

4 лістапада пройдуць Міжнародныя спаборніцтвы па паглынанні дранікаў на хуткасць. Вынік будзе занесены ў кнігу рэкордаў краін СНД і Балтыі «Дзіва».

Таксама ў праграме зніжкі для пакупнікоў, кірмаш рамеснікаў, выступленне артыстаў, конкурс дзіцячага малюнка, танцавальны флэш-моб для дзяцей і дарослых, падарункі ўдзельнікам і многае іншае.

Умовы: удзел прымуць 40 чалавек, якія паспеюць падаць заяўку (20 мужчын і 20 жанчын, не маладзейшыя за 18 гадоў). Заяўкі ў вольнай форме прымаюцца на электронную пошту 3281108@mail.ru з абавязковым указаннем імя і прозвішча, а таксама нумара тэлефона.


Міжнародны ілюзіённы фестываль «Minsk Magic»

Дзе: Дом Літаратара (вул. Фрунзе, 5)

Калі: 4-5 лістапада

Колькі каштуе: 120 р.

У фестывалі возьмуць удзел ілюзіяністы з Беларусі, Расіі, Украіны, Германіі і іншых краін. У рамках мерапрыемства адбудзецца конкурсная праграма, семінары, майстар-класы ад вядомых ілюзіяністаў, а таксама гала-шоу для гледачоў у ДК МАЗ 5 лістапада ў 18:00.


Выстава «Suomi 100 – 10 фатографаў з Фінляндыі»

Фота: travel.rambler.ru

Дзе: НЦСМ на Някрасава (вул. Някрасава, 3)

Калі: па 4 лістапада

Колькі каштуе: 3 р.

На фотавыставе прадстаўлены працы 10 фінскіх фатографаў-аматараў, якія падзяліліся з беларускім гледачом сваім асабістым поглядам на Фінляндыю. 

У выставу ўвайшло каля 100 фотаздымкаў на восем асноўных тэм: прырода, вёска, горад, музыка, мастацтва, вольны час, спорт і саўна.


Восеньскі салон з Белгазпрамбанкам

Фота: artbelarus.by

Дзе: Палац мастацтваў (вул. Казлова, 3)

Калі: па 5 лістапада, 11:00-20:00

Колькі каштуе: 5 р., ільготны – 2,50 р.

«Восеньскі салон» ужо ў трэці раз прадстаўляе шырокай аўдыторыі панараму творчасці маладых беларускіх мастакоў. Адной з галоўных мэт праекта з'яўляецца садзейнічанне ў стварэнні маштабнага арт-рынку ў Беларусі. Па гэтай прычыне для ўдзелу ў выставе-продажы актыўна запрашаюцца як дзяржаўныя, так і прыватныя галерэі з усёй краіны.


Выстава «Лісты з Венецыі»

Фота: elf-design.by

Дзе: галерэя TUT.BY (пр-т Дзяржынскага, 57)

Калі: па 20 лістапада, пан.-пят.: 9:00-18:00

Колькі каштуе: бясплатна

«Лісты з Венецыі» – гэта прызнанне ў любові Італіі і Венецыі на мове каліграфіі, напісанае Аляксандрай Стальмашонак, і на мове фатаграфіі, створанае Аляксандрай Заруцкой.

Дзевяць каліграфічных гісторый, дзевяць фота нацюрмортаў уяўляюць сабой творчую інтэрпрэтацыю вобразаў горада, убачанага скрозь прызму жыцця знакамітых людзей, пісьменнікаў, паэтаў і мастакоў: Карла Гальдоні, Уільяма Цёрнэра, Джорджа Байрана, Клода Манэ, Антона Чэхава і іншых.


Выстава «Літары і словы Скарыны»

Дзе: Нацыянальная бібліятэка Беларусі (пр-т Незалежнасці, 116)

Калі: па 20 лістапада

Колькі каштуе: удакладняць у касе

Выстава «Літары і словы Скарыны», прымеркаваная да 500-годдзя беларускага кнігадрукавання, знаёміць з каліграфіяй Усевалада Свентахоўскага − беларускага мастака, які працуе ў кніжнай графіцы і графічным дызайне. Частка прадстаўленых работ – гэта «летэрынг» − від мастацтва, у якім малюнкі створаны на аснове літар і сплецены ў агульную гарманічную кампазіцыю. Прыцягваюць увагу і аўтарскія распрацоўкі шрыфтоў з выяўленчымі элементамі – фантастычнымі вобразамі і расліннымі матывамі. 

Асобае месца на выстаўцы займаюць шрыфтавыя работы, зробленыя з дапамогай лічбавага друку − серыя аркушаў паводле матываў шрыфтоў Францыска Скарыны. Цытаты першадрукара напісаны стылізавана «пад Скарыну» − у аўтарскім прачытанні Свентахоўскага. Росчыркі напаўсухога пяра ствараюць уражанне водгукаў голасу нашага вялікага суайчынніка, голасу, які губляецца ў глыбіні часу. 


Выстава «Моднае стагоддзе»

Фота: zviazda.by

Дзе: Нацыянальны гістарычны музей (вул. К. Маркса, 12)

Калі: па 10 студзеня 2018 г., 11:00-19:00

Колькі каштуе: 8 р., школьнікі - 6 р., дзеці да 6 гадоў і ветэраны ВАВ − бясплатна

На выставе прадстаўлены гістарычныя касцюмы з найбуйнейшай у свеце прыватнай калекцыі Аляксандра Васільева − вядомага гісторыка моды, мастацтвазнаўцы, калекцыянера, тэатральнага мастака, аўтара кніг і артыкулаў па дадзенай тэматыцы, тэлевядучага праграмы «Модны прысуд».

Экспазіцыя адзення і аксесуараў, якая ахоплівае перыяд канца 19-га і ўсё 20-е стагоддзе, складаецца з больш за 100 неверагодных касцюмаў і некалькіх соцень розных аксесуараў, ювелірных вырабаў і майстэрскай біжутэрыі.

Выбар рэдакцыі

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.