Дзень аўтамабілістаў і дарожнікаў адзначылі ў мінулую нядзелю. З гэтай нагоды карэспандэнт газеты «Кліч Радзімы» Шаркаўшчынскага раёна пабываў у дарожным рамонтна-будаўнічым упраўленні №131.
Асноўная спецыфіка філіяла — капітальны рамонт і ўтрыманне дарог. Работнікі службы абавязаны падтрымліваць у належным стане пад'язныя шляхі да кожнага, нават самага маланаселенага пункта. Зімой асабліва важна своечасова пасыпаць дарогі ці пачысціць іх ад снежных сумётаў. Узначальвае ДРБУ №131 Вячаслаў Гарбузаў, дэпутат раённага Савета. «Гэты год для дарожнікаў выдаўся напружаны, але разам з тым і нядрэнны, — лічыць ён. — На жаль, сёлета ў нашым раёне быў толькі адзін аб'ект, дзе працавалі работнікі прадпрыемства. Гэта бягучы рамонт аўтадарогі Апанасенкі—Лужкі—Гваздова. Каля аграгарадка Германавічы ў чэрвені мы адрамантавалі ўчастак дарогі з асфальтабетонным пакрыццём працягласцю 2 кіламетры. Працавалі таксама на будаўніцтве пад'язных шляхоў да будучага металургічнага завода ў Мёрах, на добраўпарадкаванні вуліц у гарадскім пасёлку Копысь Аршанскага раёна, займаліся рамонтам дваровых тэрыторый у Полацку да Дня беларускага пісьменства».
Надзея АНІСОВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
