Вы тут

Трактар «Беларус» запрацуе для патрэб насельніцтва Лёзненскага раёна


Новы трактар «Беларус» запрацуе для патрэб насельніцтва Лёзненскага раёна. Гэтым «жалезным канём» Лёзненскі сельвыканкам прэміравалі на абласных «Дажынках». Пры ім функцыянуе КУП «Канашкава», дзе і будзе выкарыстоўвацца тэхніка.


— Грамата і сертыфікат на набыццё трактара — ацэнка нашай працы па навядзенні парадку на зямлі, фермах, па эфектыўным землекарыстанні. Прызналі найлепшымі ў вобласці, — паведаміла Святлана Пукава, старшыня Лёзненскага сельскага выканкама.

У мясцовым камунальным унітарным прадпрыемстве цяпер будзе два «Беларусы». Ёсць яшчэ прычэп, касілка, плуг, культыватар.

Дарэчы, у вырашэнні пытання тэхнічнага забеспячэння КУПа «на старце» яго дзейнасці дапамог старшыня Пастаяннай камісіі Савета Рэспублікі Нацыянальнага сходу Беларусі па рэгіянальнай палітыцы і мясцовым самакіраванні Аляксандр Папкоў, які, бываючы ў глыбінцы, цікавіцца дзейнасцю КУПаў.

Прадпрыемства стварылі ў 2014-м годзе, і цяпер яно запатрабаванае. У КУП «Канашкава» вясной людзі могуць зрабіць заказ на апрацоўку зямлі перад сяўбой. Летам «купаўцы» косяць сена для патрэб прыватных падворкаў. Дапамагае КУП і ў рабоце на зямлі двум сельскагаспадарчым прадпрыемствам — падкошваюць пашу.

Таксама займаюцца нарыхтоўкай дроў, чысцяць дарогі ад снегу, добраўпарадкоўваюць могілкі, вывозяць смецце. Адпаведная дамова ёсць з мясцовымі камунальнікамі.

У штаце прадпрыемства, акрамя дырэктара, трактарыст і бухгалтар.

Цікава, што расцэнкі на паслугі засталіся на ўзроўні леташніх. І яны па кішэні вяскоўцам і дачнікам.

Аляксандр ПУКШАНСКІ

рukshаnskі@zvіаzdа.bу

Загаловак у газеце: Зручна і па прымальнай цане

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.