У першай палове тыдня ўмовы надвор'я на тэрыторыі Беларусі будуць вызначаць паветраныя масы, што паступаюць са Скандынавіі, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. Тады тэмпературны фон будзе блізкі да кліматычнай нормы. Але ўжо ў другой палове тыдня да нас пачне паступаць больш цёплае паветра з Атлантыкі.
У сераду будзе воблачнае з праясненнямі надвор'е, у асобных раёнах краіны не абыдзецца без невялікага снегу. Тэмпература паветра ўначы панізіцца да 1—6 градусаў марозу, удзень будзе знаходзіцца ў межах ад мінус 2 градусаў да плюс 3 градусаў.
Прагназуецца, што ў чацвер да нас завітае атмасферны фронт, які абумовіць пераважна па заходняй частцы краіны ападкі ў выглядзе мокрага снегу і дажджу. У асобных раёнах Беларусі чакаецца туман, слабы галалёд. Тэмпература паветра ўначы знізіцца да мінус 1—7 градусаў, удзень складзе ад мінус 3 да плюс 3 градусаў. У заходніх раёнах будзе цяплей, начная тэмпература складзе каля нуля, а ўдзень — да плюс 4—7 градусаў.
Паводле папярэдніх прагнозаў айчынных спецыялістаў, у пятніцу ў асобных раёнах краіны пройдуць кароткачасовыя ападкі ў выглядзе мокрага снегу і дажджу. Месцамі чакаецца туман, слабы галалёд, на дарогах галалёдзіца. Тэмпература паветра ўначы складзе ад мінус 3 да плюс 3 градусаў, толькі па ўсходзе пры праясненнях панізіцца да мінус 7 градусаў. Удзень будзе ад мінус 1 да плюс 5 градусаў, па захадзе — 6—8 цяпла.
Сяргей КУРКАЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
