Кавер на беларускамоўную песню набраў больш як паўмільёна праглядаў

Кавер на песню «Новы дзень» гурта «Sonika» у выкананні студэнткі з Масквы Соф'і Лапінай стаў першым у топе папулярных відэа расійскага ютуба.

За некалькі дзён кавер набраў амаль 600 тысяч праглядаў.

Соф'я вучыцца ў Маскоўскім інстытуце сучаснага мастацтва. Яе педагогамі з'яўляюцца беларусы Пятро Ялфімаў і Аляксандра Пчалінцава, якія дапамаглі дзяўчыне прафесійна выканаць песню па-беларуску.

У сваёй суполцы УКантакце дзяўчына таксама апублікавала відэа дэбютнай песні «Castles», з якой яна плануе ўдзел у нацыянальным адборы на Еўрабачанне-2018 ад Беларусі.