Месяц таму нашу краіну з афіцыйным візітам наведаў Прэзідэнт Венесуэлы Нікалас Мадура. Падчас сустрэчы з беларускім лідарам было пацверджана агульнае жаданне аднавіць супрацоўніцтва.
А ўчора падчас сустрэчы Прэзідэнта Беларусі Аляксандра Лукашэнкі з віцэ-прэзідэнтам па пытаннях планавання — міністрам планавання Баліварыянскай Рэспублікі Венесуэла Рыкарда Менэндэсам сярод іншых пытанняў абмяркоўваўся візіт кіраўніка нашай дзяржавы ў Каракас — ужо ў 2018 годзе.
— Не хаваю: чакаў гэтай сустрэчы, — прызнаўся беларускі лідар на пачатку размовы. — Перш за ўсё, каб павіншаваць вас з пераканаўчай перамогай на паказальных рэгіянальных выбарах. Я вас вельмі моцна прашу: перадайце майму сябру Прэзідэнту Венесуэлы віншаванні ў сувязі з гэтым. Усё ідзе так, як і павінна ісці. Камусьці ваша перамога не падабаецца, і яны робяць спробы парушыць тую кансалідацыю, якая намецілася ў грамадстве Венесуэлы.
На думку Аляксандра Лукашэнкі, не трэба гэтаму надаваць надзвычайнае значэнне. Наша краіна гэта таксама перажыла. Але прыйдзе час — і ў свеце зразумеюць ролю Венесуэлы.
— Вы вельмі хутка пераадолееце гэтыя перашкоды ў сувязі з тым, што ў апошнія гады, нават месяцы, свет катастрафічна хутка мяняецца, — упэўнены Прэзідэнт. — Галоўнае, каб вы былі адзінымі ў Венесуэле і верылі ў сваю перамогу.
Што да нашых двухбаковых адносін, яны ў палітычных, дыпламатычных сферах як былі, так і застаюцца сяброўскімі і брацкімі, запэўніў беларускі лідар венесуэльскага госця:
— Яшчэ раз хачу пацвердзіць: усё, што мы сёння маем, усё, што мы сёння можам, мы гатовы пакласці на чашу вашага поспеху ў Венесуэле.
Паміж лідарамі дзвюх краін была дамоўленасць стварыць «дарожную карту» па паглыбленні двухбаковага беларуска-венесуэльскага супрацоўніцтва.
— Ужо ў найбліжэйшы час, а дакладна — падчас майго візіту ў Венесуэлу — мы зможам значна прасунуцца ў нашых адносінах і не толькі зацвердзіць гэтую «дарожную карту» — мы ўжо пачнём яе рэалізоўваць, — паабяцаў Аляксандр Лукашэнка.
У Беларусі ёсць тое, што патрэбна Венесуэле — у поўным аб'ёме. А ў Венесуэле ёсць тое, што патрэбна нам.
— І мы на гэтым месцы нават можам нешта зарабіць, — заўважыў Аляксандр Лукашэнка. — Я думаю, гэта трэба пакласці ў аснову нашых дамоўленасцяў і «дарожнай карты».
Рыкарда Менэндэс паведаміў, што венесуэльскі лідар вялікую ўвагу ўдзяліў падрыхтоўцы і правядзенню бягучага візіту. Па яго словах, тыя кірункі, праекты, якія абмяркоўваліся каля месяца таму на сустрэчы Аляксандра Лукашэнкі і Нікаласа Мадуры, зараз распрацоўваюцца.
Надзея ЮШКЕВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
