Вы тут

У Мінску пройдзе конкурс «Стартап года»


Мерапрыемства запланавана на 16 снежня. Прагназуецца, што падзея збярэ больш за 500 удзельнікаў з краін Еўропы, Азіі і Амерыкі.


Новаўвядзенне гэтага года ў тым, што ўсе стартапы і інвестпраекты будуць падзеленыя па тэматычных секцыях, так званых трэках. Напрыклад, падарожжы, фінтэх ці здароўе і медыцынская тэхніка. У кожнай з іх выберуць пераможцаў, якія і выйдуць у фінал.

— Сапраўды эфектыўнымі аказваецца далёка не так шмат стартапаў, тым не менш спроба іх запуску — гэта велізарны вопыт. Большасць з тых, хто гэта паспрабаваў, але не давёў да канца з першага разу, праз некаторы час зноў імкнуцца зайсці на рынак ужо з новай ідэяй. Да таго ж часцей за ўсё гэта не патрабуе велізарных ўкладанняў. Адзін з самых паспяховых праектаў, які пачалі рэалізоўваць на нашай пляцоўцы, — сэрвіс Марs.mе, яго за вельмі буйную суму выкупіла кампанія Mаіl.Ru. Актыўна развіваецца Еіghtуdауs.mе, прызначаны для зручнай арганізацыі паездак з наведваннем некалькіх гарадоў, а таксама Trіnіtу3.mе — інавацыйная сістэма давернага кіравання, — адзначыў дырэктар цэнтра прадпрымальніцтва «Стартап-тэхналогіі» Аляксей ШАБЛОЎСКІ.

Па словах спецыяліста, у Беларусі ёсць усе шанцы стаць краінай стартапаў, на дадзены момант гэтую нішу па праве займаюць Ізраіль і ЗША: «У нас творчы і прасунуты народ, ёсць добрая база для ўкаранення ІT-тэхналогій, а таксама развіты прамысловы сектар — на іх стыку магчыма стварэнне цікавых прадуктаў».

Што датычыцца непасрэдна конкурсу, то ён пройдзе пры падтрымцы Мінгарвыканкама, Міністэрства эканомікі і Парка высокіх тэхналогій.

Дар'я КАСКО

kаskо@zvіаzdа.bу

Загаловак у газеце: Краіна новых бізнесаў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».