Вы тут

У Мінску прайшоў першы фестываль шакаладу і кавы


Дзявятага і дзясятага снежня ў Мінску прайшоў першы фестываль шакаладу і кавы пад назвай «Фабрыка». На два дні гандлёвы цэнтр Galleria Minsk стаў адзінай пляцоўкай для аматараў і вытворцаў шакаладу і кавы.


Назва «Фабрыка» для фестывалю выбрана не выпадкова - на адной пляцоўцы памерам у 1.000 квадратных метраў збіраліся прадстаўнікі шакаладнай індустрыі ад маленькіх крафтавых майстэрняў і студый шакаладу да дыстрыб'ютараў буйных брэндаў. Удзельнікі фестывалю рыхтавалі для гасцей дэсерты, якіх не сустрэнеш на паліцах крам.

У праграме фестывалю прайшла выстава шматлікіх гатункаў тартоў і дэгустацыі нетыповых шакаладных дэсертаў. Госці фестывалю змаглі паўдзельнічаць у майстар-класах па шакаладным рамяству і пазнаёміцца ​​з трэндамі індустрыі. Была магчымасць назіраць за творчым працэсам мастачкі, якая распісвала сцяну  шакаладам. Таксама для гасцей была арганізавана фотазона і спецыяльная кава-зона для адпачынку.

"Фабрыка" стала першым фестывалем шакаладу і кавы, які прайшоў у Мінску.

- Наш фестываль - не толькі забава вольнага часу жыхароў сталіцы, але і карыснае мерапрыемства для ўсіх яго ўдзельнікаў, - кажуць арганізатары Антон Паўлавец і Дар'я Мікуліч. - Для гасцей гэта была магчымасць здзіўляцца новым густам і незвычайным фарматам звыклых прысмакаў, а для саміх ўдзельнікаў – цікавыя і карысныя знаёмствы ​​з калегамі па "цэху", а яшчэ магчымасць на шырокай аўдыторыі пратэставаць сваю прадукцыю. 

Анатоль КЛЯШЧУК

Фота аўтара

Выбар рэдакцыі

Культура

У Нясвіжы як у Парыжы

У Нясвіжы як у Парыжы

Радзімазнаўства. Адрасы пісьменства.

Калейдаскоп

Анамальнае надвор'е райцэнтра Акцябрскі. Калі пячэ па-беларуску

Анамальнае надвор'е райцэнтра Акцябрскі. Калі пячэ па-беларуску

Гутарка пра надвор'е, лічу, — геніяльная вынаходка. 

Эканоміка

Каб фінансы працавалі. У што лепш укласці беларускія рублі

Каб фінансы працавалі. У што лепш укласці беларускія рублі

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.