Год якасці

Кіраўніцтва КНР агучыла сваё бачанне эканамічнай работы у 2018-м. 

У снежні генеральны сакратар ЦК КПК Сі Цзіньпін старшыняваў на двух мерапрыемствах, прысвечаных эканамічнай рабоце у 2018 годзе, перадае "Жэньмінь жыбаа" анлайн".

2018-ты стане першым годам увасаблення духу ХІХ з'езда КПК, які прайшоў летась у кастрычніку і пазначыць кірунак развіцця Кітая на наступныя трыццаць з лішнім гадоў. "З часу ўступлення сацыялізму з кітайскай спецыфікай ў новую эпоху супярэчнасць паміж пастаянна растучымі патрэбамі народа ў выдатным жыцці і нераўнамернасцю і непаўнатой развіцця ўжо стала асноўнай супярэчнасцю кітайскага грамадства", - сказана ў дакладзе, зробленым Сі Цзіньпінам на з'ездзе. Даклад ўсталяваў патрабаванні да Кітаю развіваць мадэрнізаваную эканоміку, арыентаваную на якасць, каб павысіць здольнасць да інавацый і канкурэнтаздольнасць краіны. "Неабходна ўсебакова рэалізоўваць дух ХІХ з'езда", - сказана ў дакуменце, апублікаваным Палітбюро ЦК КПК. У той жа час, у 2018-м спаўняецца 40 гадоў з пачатку правядзення палітыкі рэформаў і адкрытасці. Гэта таксама вельмі важны год для працы над тым, каб ва ўсіх адносінах пабудаваць сярэднезаможнае грамадства і ажыццявіць у жыццё 13-ты пяцігадовы план (2016-2020 гг.). 

"На цяперашнім этапе асноўнай асаблівасцю эканамічнага развіцця Кітая з'яўляецца пераход ад высокіх тэмпаў росту да высакаякаснагя развіццю", - заявіў Сі Цзіньпін на сімпозіуме, у якім прынялі ўдзел прадстаўнікі некамуністычных партый і беспартыйныя дзеячы. Рэалізацыя якаснага развіцця з'яўляецца абавязковай умовай для падтрымання здаровага эканамічнага і сацыяльнага развіцця, прыстасавання Кітая да новай асноўнай супярэчнасці і пабудовы ва ўсіх адносінах мадэрнізаванай сацыялістычнай дзяржавы, дадаў ён. "Высакаякаснае развіццё з'яўляецца асноватворным патрабаваннем для вызначэння шляху развіцця, распрацоўкі эканамічнай палітыкі і вядзення макраэканамічнага рэгулявання ў сучаснасці і будучыні", - сказаў Сі Цзіньпін. Канцэпцыя "высакаякаснага развіцця" павінна быць цалкам зразуметая і добрасумленна ажыццёўлена, дадаў старшыня КНР. 

У мінулыя гады эканамічнае развіццё Кітая замарудзілася з хуткіх да умерана хуткіх тэмпаў. Сярэдні штогадовы рост эканомікі ў перыяд з 1979 па 2012 гады складаў 9,8 працэнта, у той час як глабальны рост - 2,8 працэнта. Тым не менш, імклівы рост суправаджаўся празмерным выкарыстаннем рэсурсаў, забруджваннем навакольнага асяроддзя і лішкам вытворчых магутнасцяў. Пачынаючы з 2012 года краіна стала больш памяркоўная да паніжэння тэмпаў росту дзеля паляпшэння структуры, якасці і эфектыўнасці. Акцэнт на высакаякасным развіцці дапаможа зжыць упор на высокія тэмпы росту ў справе ацэнкі эканомікі, сказаў супрацоўнік Цэнтра па вывучэнні праблем развіцця пры Дзяржсавеце КНР Чжан Ліцюнь. 

Сёлета рэформа жыллёвай сістэмы будзе пастаўлена ў прыярытэт у эканамічнай рабоце. Кітай прасуне наперад жыллёвую рэформу і будаўніцтва жыллёвага механізму з доўгачасовымі наступствамі, сказана ў заяве Дзяржсавета КНР. Больш ніякіх дэталяў пра тое, як краіна будзе прасоўваць дадзеную рэформу, дадзена не было. "Мы павінны памятаць, што жыллё прызначана для пражывання, а не для спекуляцыі", - сказана ў дакладзе Сі Цзіньпіна. "Памятаючы пра гэта, мы будзем паскараць фарміраванне жыллёвай сістэмы, якая адрозніваецца дыверсіфікацыяй суб'ектаў прапановы, разнастайнасцю каналаў забеспячэння, роўнай увагай да арэнды і да набыцця жылля, каб усяму народу было дзе жыць", - сказана ў дакуменце. Намеснік кіраўніка Дзяржаўнага камітэта па справах развіцця і рэформаў КНР Нін Цзічжэ заявіў раней у кастрычніку, што Кітай распрацоўвае пакет мер па кантролі за ўласнасцю, эфект ад якіх будзе працяглы. 

Кітай будзе імкнуцца да значнага прагрэсу ў справе прадухілення рызык, адраснага выкаранення галечы і кантролю над забруджваннем. Павінен быць распрацаваны агульны план "забеспячэння перамогі ў трох бітвах". Для таго каб прадухіліць і аслабіць рызыкі, Кітаю неабходна стрымліваць агульны каэфіцыент суадносін уласных і пазыковых сродкаў, а таксама павялічыць здольнасць фінансавага сектара служыць рэальнай эканоміцы. Што ж тычыцца адраснага выкаранення галечы, то краіне неабходна забяспечыць канкрэтную падтрымку асабліва бедным групам насельніцтва і актывізаваць намаганні ў рэгіёнах, дзе людзі жывуць ва ўмовах крайняй галечы. Для ажыццяўлення кантролю над забруджваннем, краіне неабходна працягнуць скарачаць маштабы выкідаў асноўных забруджвальнікаў для таго, каб палепшыць стан навакольнага асяроддзя.