Прэзідэнт Аляксандр Лукашэнка падпісаў Указ № 467 «Аб аплаце працы работнікаў бюджэтных навуковых арганізацый», паведамілі ў прэс-службе беларускага лідара.
Указам прадугледжваецца павышэнне тарыфных акладаў (да 300 працэнтаў) работнікам бюджэтных навуковых арганізацый. Пры гэтым рашэнне аб павышэнні да 200 працэнтаў будзе прымацца кіраўнікамі бюджэтных навуковых арганізацый, звыш 200 працэнтаў — органамі дзяржаўнага кіравання, у распараджэнні якіх знаходзяцца бюджэтныя навуковыя арганізацыі, і НАН Беларусі.
Акрамя таго, указам размежаваны паўнамоцтвы дзяржаўных органаў, НАН Беларусі ва ўстанаўленні галіновых стымулюючых выплат, пашыраны правы кіраўнікоў бюджэтных навуковых арганізацый ва ўрэгуляванні ўзроўню аплаты працы работнікаў у залежнасці ад вырашаемых імі задач, зняты абмежаванні ў памеры 40 працэнтаў фонду заработнай платы і эканоміі сродкаў, прадугледжаных на аплату працы, пры накіраванні іх на прэміраванне і ўстанаўленне стымулюючых выплат работнікам за кошт бюджэтных і пазабюджэтных сродкаў.
Указ распрацаваны ў мэтах удасканалення аплаты працы работнікаў бюджэтных навуковых арганізацый з улікам спецыфікі іх дзейнасці і накіраваны на стварэнне ўмоў для эфектыўнага кіравання рэсурсамі ў мэтах стымулявання працы вучоных зыходзячы з важнасці праводзімых імі даследаванняў, а таксама павышэння статусу вучонага і прэстыжнасці навуковай дзейнасці.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
