Вы тут

Беларусь чакае швейцарскіх інвестараў


Аб гэтым заявіў старшыня Палаты прадстаўнікоў Нацыянальнага сходу Уладзімір АНДРЭЙЧАНКА на сустрэчы з кіраўніком аддзялення пасольства Швейцарскай Канфедэрацыі ў Мінску Клодам Альтэрматам.


«Мы вельмі зацікаўлены ў развіцці інвестыцыйнага супрацоўніцтва, прыцягненні ў Беларусь швейцарскіх інвестыцый, — адзначыў спікер. — Нядаўна ў нашай краіне быў прыняты шэраг важных дакументаў — дэкрэты Прэзідэнта «Аб развіцці прадпрымальніцтва» і «Аб развіцці лічбавай эканомікі». Першы накіраваны на лібералізацыю ўмоў вядзення бізнесу, а другі — на развіццё ІТ-тэхналогій, лічбавай эканомікі».

Дарэчы, цяпер на тэрыторыі Беларусі працуе 118 кампаній са швейцарскім капіталам, з іх больш за 50 — сумесныя прадпрыемствы. «Перспектыўны кірунак для швейцарскіх кампаній, якія могуць прыйсці ў Беларусь, — выхад на тэрыторыю ЕАЭС з высокатэхналагічнай прадукцыяй, якую можна было б вырабляць у Кітайска-беларускім індустрыяльным парку «Вялікі камень», ПВТ, свабодных эканамічных зонах», — дадаў старшыня Палаты прадстаўнікоў.

Акрамя таго, з 27 лютага па 1 сакавіка наступнага года парламенцкая дэлегацыя Беларусі на чале з Уладзімірам Андрэйчанкам наведае Швейцарыю. На думку спікера, гэты візіт дасць магчымасць значна паглыбіць супрацоўніцтва краін. «Па выніках сустрэч мы б маглі выйсці на падпісанне выніковых дакументаў. Я думаю, што ў рамках візіту можна было б разгледзець такія пытанні, як гандлёва-эканамічнае, крэдытна-інвестыцыйнае супрацоўніцтва», — сказаў ён.

Уладзімір Андрэйчанка таксама адзначыў, што ў двухбаковым парадку дня адсутнічаюць праблемныя пытанні, якія перашкаджаюць паглыбленню супрацоўніцтва. На сістэмную аснову выйшлі міжпарламенцкія кантакты: у беларускім парламенце існуе група дружбы з Федэральным сходам Швейцарыі, а сёлета такая ж група з'явілася і ў швейцарскім парламенце — упершыню за 25 гадоў парламенцкіх адносін. Работа вядзецца і на такіх міжнародных пляцоўках, як ПА АБСЕ і Міжпарламенцкі саюз.

Уладзіслаў ЛУКАШЭВІЧ

lukashevich@zvіazda.by

Фота БЕЛТА

Загаловак у газеце: Погляд на Альпы

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.