Дзве ёлкі вышынёй па 15 метраў кожная дашчэнту згарэлі ў Гомелі. Агонь знішчыў іх пластыкавыя пакрыцці і ілюмінацыю па ўсёй плошчы.
У навагоднюю ноч а другой гадзіне ратавальнікі выехалі на тушэнне штучнай ёлкі, усталяванай каля тралейбуснага парка. Другое ўзгаранне адбылося каля трох гадзін. Палала штучнае дрэва, устаноўленае насупраць абласной бібліятэкі на плошчы Перамогі. У абодвух выпадках ад навагодніх дрэў засталіся толькі аплаўленыя металічныя каркасы.
Узгаранне было тэрмінова ліквідавана. Людзі пры гэтым не пацярпелі. Цяпер вядзецца расследаванне і спецыялісты высвятляюць прычыны. У Гомельскім абласным упраўленні МНС паведамілі, што разглядаецца некалькі версій — ад няспраўнасці электраабсталявання да неасцярожнага абыходжання з піратэхнікай. Дарэчы, ёлкі, усталяваныя ў горадзе, былі правераны на адпаведнасць нормам электрабяспекі, забяспечана сістэма аховы.
Ірына АСТАШКЕВІЧ
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.