Вы тут

У Кобрыне з'явіліся каціныя дамы


Як вядома, адны прадстаўнікі чалавецтва агітуюць і заклікаюць рабіць гэты свет лепшым, а другія здзяйсняюць нешта канкрэтнае ў азначаным кірунку. Вось адзін прадпрымальнік у Брэсцкім раёне, які валодае піларамай, рашыў дапамагчы бяздомным сабакам, якіх у прыгараднай вёсцы нямала. І стаў выдаваць дыхтоўныя будкі ў падарунак таму, хто забірае дадому чатырохногага сябра.


А ў Кобрыне актывісты адной з арганізацый па абароне жывёл вырабілі і ўстанавілі ў горадзе каціныя дамы. Добрую справу назвалі праектам «Цёплыя домікі для бяздомных катоў». Невялікія будынкі зрабілі з еўравагонкі, кожная сцяна складаецца з двух драўляных слаёў, якія перагароджвае пенапласт. Падлогу заслалі саломай. Такім чынам памяшканне для вусатых кватарантаў атрымалася даволі цёплае.

Як успамінаюць валанцёры, спачатку было нямала скептыкаў на шляху да новай справы. Некаторыя казалі, што прыгожыя дамкі папсуюць, пакрадуць, а катоў адтуль павыганяюць. Але гараджане паставіліся з разуменнем да патрэб братоў нашых меншых. І наадварот, сталі прыносіць корм. Тым больш што іх аб гэтым ласкава папрасілі праз таблічкі, якія прымацавалі да кожнага з пяці домікаў.

На сваёй старонцы ў сетках валанцёры паведамілі, што наступнай зімой плануюць устанавіць яшчэ больш зімовых кватэр для катоў, а таксама размясцілі словы ўдзячнасці за разуменне і падтрымку старшыні Кобрынскага райвыканкама Аляксандру Зазулю і дырэктару ЖКГ Сяргею Яльцу.

Святлана ЯСКЕВІЧ

yackevіch@zvіazda.by

Загаловак у газеце: Пра катоў і людзей

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.