Вы тут

На выхадныя чакаюцца невялікія маразы


На гэтым тыдні ў Беларусь прыйшла сапраўдная зіма, і хоць мароз аслабеў, але выпаў снег і з'явілася снежнае покрыва. Чарговая сістэма атмасферных франтоў, якія змяшчаюцца з Заходняй Еўропы, дадасць яшчэ снегу, а ў далейшым і памацнеюць маразы, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень чакаецца слабамарознае з ападкамі надвор'е. Раніцай і днём на большай частцы тэрыторыі прагназуюцца снег, мокры снег, месцамі слабы галалёд. У асобных раёнах завіруха, па паўднёвым захадзе краіны — парывісты вецер. Максімальная тэмпература паветра ўдзень будзе ад мінус 5 градусаў да 1 цяпла. Непасрэдна ў выхадныя чакаюцца невялікія маразы, цалкам прыдатныя для зімовага актыўнага адпачынку. У суботу ўначы і раніцай пад уплывам франтальных падзелаў на большай частцы тэрыторыі краіны пройдзе снег, днём кароткачасовы снег чакаецца ў асноўным у паўночна-ўсходніх і паўднёва-заходніх раёнах. На асобных участках дарог захаваецца галалёдзіца. Тэмпература паветра ўначы складзе ад мінус 2 да мінус 7 градусаў, удзень будзе ад нуля да мінус 5 градусаў. У нядзелю ў асобных раёнах краіны пройдзе кароткачасовы снег, на дарогах захаваецца галалёдзіца. Уначы будзе 3—9 марозу, удзень чакаецца ад мінус 1 да мінус 6 градусаў.

Паводле доўгатэрміновых прагнозаў айчынных спецыялістаў, у пачатку наступнага тыдня з ростам атмасфернага ціску прагназуецца марознае, але камфортнае надвор'е. У асобных раёнах, пераважна па ўсходзе краіны, пройдзе кароткачасовы снег, на дарогах месцамі захаваецца галалёдзіца.

Сяргей КУРКАЧ

kurkасh@zvіаzdа.bу

Загаловак у газеце: Снегу выпадзе ўдосталь...

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.