Вы тут

У Магілёве пачалі курсіраваць электробусы


Гэтыя дзве кітайскія машыны адразу атрымалі імёны па назвах гарадоў, якія пасябравалі, — «Чанша» і «Магілёў». Учора яны правезлі першых пасажыраў па цэнтральнай вуліцы Магілёва Першамайскай — ад плошчы Славы да чыгуначнага вакзала.


Элегантныя на выгляд машыны, створаныя ў Кітаі з прымяненнем вядучых тэхналогій, былі перададзены ў дар Магілёву ў гонар яго 750-годдзя. Цяпер яны будуць курсіраваць на тралейбусным маршруце № 4 паміж чыгуначным вакзалам і пасёлкам Любуж. Спецыялісты адзначаюць, што разавай зарадкі электробуса хапае на 200 кіламетраў руху. Агульная ўмяшчальнасць аўтобуса — 83 месцы. Рухаецца ён вельмі плаўна і амаль бясшумна. У салоне ёсць відэакамеры з вывадам карцінкі на экран у кабіне кіроўцы.

— Я быў вельмі рады наведаць Магілёў і паўдзельнічаць у запуску нашай тэхнікі, — паведаміў на ўрачыстай цырымоніі Надзвычайны і Паўнамоцны Пасол КНР у Рэспубліцы Беларусь Цуй Цымін. — Зараз адносіны паміж Кітаем і Беларуссю — у лепшым развіцці. Прэзідэнты нашых краін надаюць гэтаму вялікую ўвагу. Вельмі важна супрацоўнічаць рэгіёнамі. Правінцыя Хунань і Магілёўская вобласць змаглі наладзіць паміж сабой цеснае супрацоўніцтва.

Мэр Магілёва Уладзімір Цумараў адзначыў, што заўсёды прыемна атрымліваць такія падарункі.

— Сяброўства з кітайскім горадам Чанша пачалося летась, — адзначыў ён. — Летам у рамках святкавання 750-годдзя Магілёва быў падпісаны дагавор аб устанаўленні партнёрскіх узаемавыгадных адносінаў. Мы прыкладзём максімум намаганняў, каб усе прапісаныя там пункты былі рэалізаваныя.

Акрамя электробусаў Магілёў атрымаў ад кітайскага боку яшчэ восем індывідуальных домікаў. Да Дня горада плануецца пабудаваць неабходныя інжынерныя сеткі і сабраць гэтыя дамы.

Нэлі ЗІГУЛЯ

zіgulуа@zvіаzdа.bу

Загаловак у газеце: Першыя электробусы

Выбар рэдакцыі

Культура

Мінск 1941. Як гэта было

Мінск 1941. Як гэта было

Неба пачарнела ад самалётаў.

Палітыка

​Дэпутаты прынялі ў першым чытанні змены ў законы аб ахове суверэнітэту і канстытуцыйнага строю

​Дэпутаты прынялі ў першым чытанні змены ў законы аб ахове суверэнітэту і канстытуцыйнага строю

У Палаце прадстаўнікоў праходзіць чарговае пасяджэнне пятай сесіі.

Грамадства

Ігар Петрышэнка: ЦТ — спаборніцтва, і перамога ў ім павінна быць сумленнай!

Ігар Петрышэнка: ЦТ — спаборніцтва, і перамога ў ім павінна быць сумленнай!

Сацыяльнае дыстанцыраванне і напаўняльнасць да 50 чалавек — такія патрабаванні да аўдыторый ЦТ.

Культура

22 чэрвеня 1941 года раздзяліла жыццё беларусаў на «да» і «пасля»

22 чэрвеня 1941 года раздзяліла жыццё беларусаў на «да» і «пасля»

Яны яшчэ не ведалі, што наперадзе — доўгія тры гады жыцця пад акупацыяй.