Жараб'ёўка прайшла ў швейцарскай Лазане. Наша каманда ў групе ІІ лігі D згуляе з футбалістамі Сан-Марына, Малдовы і Люксембурга.
— Я думаю, што гэта нармальная жараб'ёўка для нас. Сапернікі з другой-трэцяй карзін аднолькавыя, — каментуе галоўны трэнер зборнай Беларусі Ігар Крывушэнка. — Трапіў наш «родны» Люксембург, гэта магчымасць узяць рэванш. Ну і будзем змагацца за першае месца ў групе. Гэты турнір — добрае пачынанне, больш гульняў, у якіх трэба гуляць на вынік, усе яны маюць значэнне. Чым часцей зборная збіраецца і гуляе — тым лепшае ўзаемадзеянне. Натуральна, павінен быць лепшы вынік.
Адзначым, што адным з удзельнікаў жараб'ёўкі быў вядомы беларускі футбаліст Аляксандр Глеб. Пры яго непасрэдным удзеле свае месцы ў трох іншых квартэтах атрымалі і астатнія каманды слабейшага дывізіёна Лігі нацый УЕФА:
Групавы этап стартуе 6 верасня 2018-га, а фінішуе ў лістападзе 2019 года. Пераможцы чатырох квартэтаў сустрэнуцца адзін з адным у матчах плэй-оф і разыграюць пуцёўку на чэмпіянат Еўропы — 2020.
Усяго ў першым розыгрышы Лігі нацый прымуць удзел 55 зборных, якія прадстаўляюць усе краіны, якія ўваходзяць ва УЕФА.
Дар'я Лабажэвіч
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
