Вы тут

На XXІІІ зімовых Алімпійскіх гульнях узнялі Дзяржаўны сцяг Беларусі


Мерапрыемства ў алімпійскай вёсцы правёў яе мэр Сеун Мін Ру. У цырымоніі таксама прынялі ўдзел шэф беларускай місіі на Алімпійскіх гульнях намеснік міністра спорту і турызму Беларусі Аляксандр Барауля, Надзвычайны і Паўнамоцны Пасол Беларусі ў паўднёвай Карэі Андрэй Папкоў, а таксама спартсмены і трэнеры беларускай дэлегацыі.


Адзначым, што цырымонія ўзняцця дзяржаўных сцягоў — адно з найстарэйшых і найважнейшых сімвалічных мерапрыемстваў на Гульнях, яна папярэднічае афіцыйнаму адкрыццю кожнай Алімпіяды і сімвалізуе гатоўнасць алімпійцаў краіны да ўдзелу ў ёй.

«Гэтая цырымонія пазначае, што Алімпіяда ўжо зусім блізка, мы тут разам усе ў зборы, у добрым настроі, гэта ўсё ўрачыста. Бачачы, як падымаецца наш сцяг, мы адчуваем падтрымку ўсёй краіны», — падзялілася сваімі ўражаннямі Дар'я Домрачава.

«Калі сцяг падымаецца, заўсёды для мяне гэта ўрачысты момант, ёсць патрыятычныя пачуцці, «мурашкі» заўсёды па целе бягуць», — адзначыў Сяргей Далідовіч.

Нагадаем, што заўтра ў 14.00 па беларускім часе адбудзецца цырымонія адкрыцця Алімпіяды-2018 у Паўднёвай Карэі. Парад краін-удзельніц традыцыйна адкрыюць грэкі, а астатнія зборныя пройдуць па алімпійскім стадыёне ў алфавітным парадку (на карэйскай мове). Апошнімі перад гледачамі з'явяцца паўночнакарэйскія і паўднёвакарэйскія спартсмены.

Дарэчы, напярэдадні Міжнародны Алімпійскі камітэт пазбавіў права паказваць шоу адкрыцця агенцтва Reuters за тое, што яны выклалі ў інтэрнэт фота з рэпетыцыі запальвання алімпійскага агню.

Сцяг Беларусі на цырымоніі адкрыцця Алімпійскіх гульняў панясе Ала Цупер. Фрыстайлістка, алімпійская чэмпіёнка Сочы-2014, была абраная сцяганосцам на агульным сходзе беларускіх алімпійцаў у Пхёнчхане.

«10 лютага пачнуцца спаборніцтвы па біятлоне, лыжных гонках, шорт-трэку і канькабежным спорце. Мы зыходзілі з таго, каб не парушыць графік падрыхтоўкі спартсменаў да найважнейшых стартаў чатырохгоддзя, — падкрэсліў шэф місіі Аляксандр Барауля. — Да таго ж сцяганосцам павінен быць дасведчаны, знакаміты і вядомы атлет. У Алы Цупер усё гэта ёсць. Ды і, як вядома, спартсменка збіраецца пазмагацца за медаль на Гульнях у Пхёнчхане. Таму вырашана было даверыць гэтую місію ёй. На наш погляд, з усіх бакоў годны выбар».

Адзначым, што за апошняе дзесяцігоддзе сцяг беларускай дэлегацыі на Алімпійскіх гульнях неслі: хакеіст Алег Антоненка (Ванкувер-2010), тэнісіст Максім Мірны (Лондан-2012), фрыстайліст Аляксей Грышын (Сочы-2014), прадстаўнік кулявой стральбы Сяргей Мартынаў (Рыа-2016).

Дар'я ЛАБАЖЭВІЧ

Выбар рэдакцыі

Грамадства

Даведаліся, колькі каштуе букет на 8 Сакавіка

Даведаліся, колькі каштуе букет на 8 Сакавіка

Ці прынята ў нас дарыць «мільён алых руж» каханай?

Грамадства

Чым прыцягвае чытачоў часопіс «Алеся»?

Чым прыцягвае чытачоў часопіс «Алеся»?

Размова з галоўным рэдактарам Ларысай Ракоўскай.

Грамадства

Анатомія мезальянсу. Чаму няроўныя шлюбы былі, ёсць, будуць?

Анатомія мезальянсу. Чаму няроўныя шлюбы былі, ёсць, будуць?

Любоўных гісторый, якія прыцягваюць павышаную ўвагу грамадства, нямала.

У свеце

Каменданцкія часы. Чым падаграецца глабальная пратэсная хваля?

Каменданцкія часы. Чым падаграецца глабальная пратэсная хваля?

Людзі стаміліся ад лакдаўну і беспрацоўя і выходзяць на пратэсты, а надзея перамагчы пандэмію ўсеагульнай вакцынацыяй, падобна, растае на вачах: прэпараты па-ранейшаму недаступныя ўсім ахвотным і ў найбліжэйшы час сітуацыя наўрад ці зменіцца.