Вы тут

З болем пра Афган


Дзень памяці воінаў-інтэрнацыяналістаў мы будзем яшчэ адзначаць 15 лютага, а ўчора ў Шклове адбылася 20-я Міжрэгіянальная сустрэча ўдзельнікаў баявых дзеянняў у Афганістане са Шклоўскага, Бялыніцкага, Круглянскага і Магілёўскага раёнаў.


Падчас жалобнага мітынгу яны ўсклалі кветкі да памятнага знака воінам-інтэрнацыяналістам і ўшанавалі памяць таварышаў, якія не вярнуліся з вайны, хвілінай маўчання. Са словамі падзякі да іх звярнуўся старшыня Шклоўскага райвыканкама Васіль Віцюноў. Члены маладзёжнага парламента Шклова ўручылі былым салдатам лісты са словамі ўдзячнасці за іх мужнасць і вернасць Радзіме. У гонар загінулых землякоў дзеці запусцілі ў неба белакрылых галубоў.

Пад гукі аркестра былыя афганцы прайшлі ва ўрачыстай калоне па цэнтральнай вуліцы горада — Савецкай. У шэсці прынялі ўдзел салдаты, ганаровыя госці, кадэты, якія неслі ў руках партрэты загінулых салдат і тых, якія потым памерлі ад баявых ран. Наперадзе калоны рухалася баявая тэхніка. Перад раённым Домам культуры вайскоўцы 103-й асобнай мабільнай брыгады з Віцебска прадэманстравалі інсцэніроўку бою. А ў фае ўстановы можна было азнаёміцца з выстаўкай, дзе былі прадстаўлены фота і асабістыя рэчы воінаў-інтэрнацыяналістаў. Ва ўрачыстай абстаноўцы героям вайны ў Афганістане ўручылі юбілейныя медалі, у іх гонар адбыўся канцэрт.

У гэты ж дзень у Шклове прайшоў 29-ы Міждзяржаўны турнір па валейболе і міні-футболе, прысвечаны памяці загінулых воінаў-інтэрнацыяналістаў. Трэба дадаць, што актыўны ўдзел у фінансаванні мерапрыемстваў гэтай сустрэчы і набыцці сувенірнай прадукцыі прынялі арганізацыі і прадпрыемствы горада і раёна, фермерскія гаспадаркі, індывідуальныя прадпрымальнікі, грамадскія таварыствы.

Нэлі ЗІГУЛЯ

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.