Як бы акуратна ўладальнік ні карыстаўся сваім смартфонам, на яго экране з часам непазбежна ўтвараюцца сколы і драпіны. Не ратуе і наяўнасць ахоўнага шкла, плёнкі і спецпакрыццяў. Нават устойлівыя Gorіlla Glass і сапфіравае шкло ад Apple рана ці позна прыходзяць у непрыдатнасць. Але ўсё можа змяніць шкло са штучнага алмаза, да выпрабавання якога ўжо прыступіла амерыканская кампанія Akhan Semіconductor.
Новае шкло атрымала назву Mіrage Dіamond Glass, і яно тэсціруецца ў лабараторыях кампаніі ў адной з мадэляў смартфона ўжо зараз. У яго аснове ляжыць асаблівая структура са штучных алмазаў, якая ў працэсе вытворчасці фарміруецца выпадковым чынам. Гэта перашкаджае стварэнню глыбокіх расколін і пашкоджанню матэрыялаў пад самім пакрыццём. Як заявіў кіраўнік Akhan Semіconductor Адам Хан, «новае шкло можа выкарыстоўвацца як самастойна, так і ў спалучэнні з іншымі тыпамі пакрыцця. Цяпер новая тэхналогія праходзіць актыўную фазу выпрабаванняў, у якой удзельнічаюць многія буйныя вытворцы мабільнай электронікі. Мы праводзім стрэс-тэсты для таго, каб пераканацца ў трываласці алмазнага шкла і высветліць, што яно добра праводзіць электрычныя імпульсы і не замінае распазнаваць дотыкі». Mіrage Dіamond Glass можа быць выкарыстана на любой прыладзе, але ў першую чаргу яно з'явіцца на смартфоне, рэліз якога запланаваны на 2019 год
Іван КУПАРВАС
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
