У Брэсце адзначылі сотую гадавіну з дня нараджэння дзяржаўнага дзеяча Беларусі, Героя Савецкага Саюза, Героя Сацыялістычнай Працы Пятра Міронавіча Машэрава.
Пётр Машэраў працаваў першым сакратаром Брэсцкага абкама КПБ у 1955—1959 гадах. Абласны камітэт партыі тады знаходзіўся ў будынку цяперашняй адміністрацыі Ленінскага раёна. Побач з уваходам у названы будынак адбыўся невялікі мітынг памяці былога кіраўніка вобласці. У мітынгу прымалі ўдзел намеснік старшыні Брэсцкага аблвыканкама Алег Вялічка, старшыня гарадскога Савета дэпутатаў Мікалай Красоўскі, старшыня гарвыканкама АлякСандр Рагачук, а таксама прадстаўнікі грамадскасці, ветэраны.
Пазней удзельнікі мітынгу накіраваліся да будынка абласнога ліцэя, дзе была адкрыта мемарыяльная дошка ў гонар П. Машэрава, імя якога носіць навучальная ўстанова. А ў зале пасяджэнняў адміністрацыі Ленінскага раёна прайшоў круглы стол, прысвечаны жыццю і працы вядомага дзяржаўнага дзеяча.
Святлана ЯСКЕВІЧ
Фота БЕЛТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.