Вы тут

Як у Брэсце засвойваюць прывычку да выканання грамадзянскага абавязку


Выбарчы ўчастак №1 у Брэсце, які размяшчаецца ў музычным каледжы, наведаў зранку старшыня Брэсцкага аблвыканкама Анатоль ЛІС. Адказваючы на пытанні журналістаў, кіраўнік вобласці падкрэсліў ролю народных выбраннікаў у працэсах развіцця рэгіёна. Паводле яго слоў, у вобласці больш за дзве тысячы дэпутатаў усіх узроўняў. Гэта людзі, якія працуюць на вытворчасці, ва ўстановах. Акрамя таго ў складзе дэпутацкага корпусу ёсць шмат кіраўнікоў, якія выступаюць арганізатарамі вытворчасці. Работа мясцовых Саветаў цесна звязана з дзейнасцю народнагаспадарчага комплексу.


Галасуе старшыня Брэсцкага аблвыканкама Анатоль Ліс.

У мясцовых Саветаў нямала задач па паляпшэнні і развіцці сваіх тэрыторый. “Але ж каб дэпутаты прыступілі да сваёй работы, іх трэба спачатку выбраць” – адзначыла пенсіянерка Святлана Лёсік, якая прыйшла на ўчастак пад нумарам 112 па вуліцы Луцкай, каб выканаць свой грамадзянскі абавязак.

Вольга і Дзмітрый Васілюкі прыйшлі галасаваць сюды ў сямейным складзе. Малодшы школьнік Кірыл пачакаў бацькоў ля кабінкі, а дашкольніку Паўлу даверылі адказную місію – апусціць запоўненыя бюлетэні ў скрыню. Мама сямейства Вольга, настаўніца па прафесіі, сказала, што яны бяруць дзяцей з сабой, каб малыя з дзяцінства засвойвалі прывычку да выканання грамадзянскага абавязку.

На гэтым участку галасаваў у асноўны дзень выбараў таксама прафесар Брэсцкага тэхнічнага ўніверсітэта Міхаіл Стралец. Паводле яго слоў, работа ў мясцовым Савеце можа паслужыць для чалавека добрай школай арганізатара, крыніцай вопыту для далейшага вылучэння, напрыклад, у парламент. Мясцовы дэпутат — самае блізкае звяно ўлады для чалавека, які жыве на канкрэтнай вуліцы ў канкрэтным доме, упэўнены прафесар.

Святлана ЯСКЕВІЧ

Фота БЕЛТА

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.