Вы тут

У чацвер і пятніцу сіноптыкі абяцаюць месцамі да мінус 20 градусаў


Апошні месяц зімы не спяшаецца здаваць свае пазіцыі: на гэтым тыдні чакаецца халоднае надвор'е. Ды і снегу будзе больш, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўмовы надвор'я будзе вызначаць вобласць павышанага атмасфернага ціску, сфарміраваная ў вільготнай паветранай масе. Таму ў асобных раёнах краіны не абыдзецца без невялікага снегу. Месцамі на дарогах захаваецца галалёдзіца. Тэмпература паветра ўдзень будзе ад мінус 5 градусаў да 1 цяпла. Пахаладанне прыйдзе ў сераду. Тады пад уплывам франтальнага падзелу на большай частцы тэрыторыі Беларусі пройдзе кароткачасовы снег. На асобных участках дарог захаваецца галалёдзіца. За фронтам на тэрыторыю краіны накіруецца халоднае паветра з арктычных мораў. Тэмпература паветра ўначы складзе ад мінус 7 да мінус 13 градусаў, па паўночным усходзе краіны будзе да 15 марозу. Месцамі ўначы па краіне пры праясненнях да мінус 16—19 градусаў. Удзень чакаецца ад мінус 3 да мінус 8 градусаў, толькі па крайнім паўднёвым захадзе краіны тэмпературны фон будзе крыху вышэйшы: уначы 4—6 марозу, удзень — ад нуля да мінус 2 градусаў.

Самыя моцныя маразы тыдня прагназуюцца ў ноч на чацвер і на пятніцу. Так у чацвер у асобных раёнах Беларусі магчымы невялікі кароткачасовы снег, месцамі на дарогах захаваецца галалёдзіца. Тэмпература паветра ўначы складзе ад мінус 8 да мінус 14 градусаў, па паўночным усходзе краіны будзе 15—18 марозу, месцамі па краіне пры праясненнях да мінус 19—20 градусаў. Удзень чакаецца ад мінус 4 да мінус 9 градусаў. Толькі па крайнім паўднёвым захадзе краіны ўначы прагназуецца 4—7 марозу, а ўдзень — ад мінус 1 да мінус 3 градусаў. І ў пятніцу захаваецца марознае надвор'е, у асобных раёнах краіны пройдзе кароткачасовы снег. На дарогах месцамі чакаецца галалёдзіца. Тэмпература паветра ўначы складзе 11—17 марозу, пры праясненнях ад мінус 18 да мінус 20 градусаў. Удзень будзе ад мінус 6 да мінус 12 градусаў. У паўднёва-заходніх раёнах краіны маразы прагназуюцца больш слабыя. Там уначы будзе мінус 5—10 градусаў, удзень — 4—5 марозу.

Сяргей КУРКАЧ

Загаловак у газеце: Маразы...

Выбар рэдакцыі

Культура

У Нясвіжы як у Парыжы

У Нясвіжы як у Парыжы

Радзімазнаўства. Адрасы пісьменства.

Калейдаскоп

Анамальнае надвор'е райцэнтра Акцябрскі. Калі пячэ па-беларуску

Анамальнае надвор'е райцэнтра Акцябрскі. Калі пячэ па-беларуску

Гутарка пра надвор'е, лічу, — геніяльная вынаходка. 

Эканоміка

Каб фінансы працавалі. У што лепш укласці беларускія рублі

Каб фінансы працавалі. У што лепш укласці беларускія рублі

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.