Учора ў Быхаўскім гісторыка-краязнаўчым музеі адкрылася перасоўная выстава «Выратавальнік» з уласных фондаў Бабруйскага гаррайаддзела па НС.
На фотаздымках яскравыя моманты барацьбы чалавека з вогненнай стыхіяй, яго дзеянні ў надзвычайных сітуацыях, пры аварыях. Прафесіяналізм трапіўшых у аб'ектыў камеры сведчыць сам за сябе. — Вельмі хацелася, каб гэта чапляла і нагадвала ўсім, якое ж крохкае наша жыццё, як важна берагчы яго і не ствараць пагрозы сваімі дзеяннямі для іншых, — кажа аўтар праекта старшы інспектар групы прапаганды і ўзаемадзеяння з грамадскасцю Бабруйскага гаррайаддзела па НС Дзмітрый Сказаў.
Перасоўная выстава мае і гістарычны блок, дзе расказваецца пра станаўленне пажарнай справы. Дапаўняюць яе аварыйнавыратавальнае абсталяванне, баявое адзенне і іншыя прыналежнасці ратавальнікаў.
У дні выставы супрацоўнікі МНС арганізуюць для наведвальнікаў спецыяльныя тэматычныя заняткі, дзе раскажуць пра сваю мужную прафесію і навучаць асновам бяспекі жыццядзейнасці. У планах паказаць выставу ва ўсіх раённых цэнтрах Магілёўскай вобласці.
Нэлі ЗІГУЛЯ
Мерапрыемства праводзіцца на добраахвотнай аснове.
Не выявіць ні секунды абыякавасці.