Вы тут

Ён разгледзіць з вышыні нават пачак запалак


Беспілотны лятальны апарат (БПЛА) «Геаскан 201», прызначаны для абнаўлення геаграфічнай інфармацыйнай сістэмы (ГІС), атрымаў сертыфікат лётнай прыдатнасці.

Плануецца, што першыя палёты для аэрафотаздымак з дапамогай БПЛА для навукова-даследчых мэт адбудуцца ўжо сёлета ў сакавіку. Крыху раней беларускае прадпрыемства сельскагаспадарчых аэрафотагеадэзічных пошукаў (БелПСГАГП) завяршыла працэдуру рэгістрацыі беспілотнага лятальнага апарата ў Дзяржаўным ваенна-прамысловым камітэце краіны.


Для выканання аэрафотаздымкі на беспілотным лятальным апараце група спецыялістаў прадпрыемства прайшла курс навучання па рабоце з гэтым тыпам беспілотных комплексаў у Санкт-Пецярбургу. Беспілотны комплекс расійскай вытворчасці «Геаскан 201» дазволіць у аператыўным рэжыме выконваць аэрафотаздымку звышвысокага раздзялення (да двух сантыметраў) невялікіх участкаў мясцовасці (да 50 квадратных кіламетраў). Фотаздымкі робяцца ў мэтах маніторынгу тэрыторый, зямельнага фонду, сельскагаспадарчых палёў, інвентарызацыі і інжынерных пошукаў. Комплекс дазваляе вывучаць канкрэтныя тэрыторыі, напрыклад садовыя таварыствы. Выкарыстанне землеўпарадчыкамі гэтай тэхнікі будзе спрыяць далейшаму спрашчэнню працэдуры аднаўлення граніц зямельных участкаў.

У цэлым, дзякуючы ўкараненню сучасных лічбавых тэхналогій атрымання даных дыстанцыйнага зандзіравання Зямлі ў 2017 годзе, агульны аб'ём аэрафотаздымачных работ прадпрыемства па тэрыторыі Беларусі склаў 41 тысячу квадратных кіламетраў (у 1996 годзе гэтая лічба складала 12 тысяч квадратных кіламетраў).

Сяргей КУРКАЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».