Вы тут

Сі Цзіньпін пераабраны старшынёй КНР


Ён прынёс прысягу на вернасць Канстытуцыі.


Сі Цзіньпін, які сёння быў абраны старшынёй КНР і старшынёй Цэнтральнага ваеннага савета КНР падчас 1-й сесіі Усекітайскага сходу народных прадстаўнікоў (УСНП)  13-га склікання, прынёс прысягу на вернасць Канстытуцыі КНР у Доме народных сходаў у Пекіне. Такая цырымонія праводзіцца ў Кітаі ўпершыню, перадае "Жэньминь жыбаа" анлайн".

Выбары кіраўніка дзяржавы адбыліся сёння раніцай на пятым пленарным пасяджэнні першай сесіі УСНП 13-га склікання шляхам тайнага галасавання. Усе прысутныя 2970 дэпутатаў аднагалосна прагаласавалі "за". Як вядома, Сі Цзіньпін быў абраны на пасаду старшыні КНР на сесіі УСНП 12-га склікання ў сакавіку 2013 года. 

Акрамя таго, Сі Цзіньпін пераабраны старшынёй Цэнтральнага ваеннага савета КНР, захаваўшы ў сваіх руках партыйнае, ваеннае і дзяржаўнае кіраўніцтва. Віцэ-старшынёй КНР абраны былы сакратар галоўнага антыкарупцыйнага органа Кампартыі Кітая Ван Цішань. 

Пасада старшыні КНР быў заснавана паводле канстытуцыі краіны 1954 года, адменена ў 1975 годзе, а затым зноў адноўлена ў 1982 годзе. Да 11 сакавіка гэтага года старшыня КНР мог абірацца тэрмінам на пяць гадоў і займаць гэтую пасаду не больш за два тэрміны, аднак на цяперашняй сесіі дэпутаты УСНП унеслі папраўкі ў канстытуцыю краіны, адмяніўшы абмежаванні на тэрмін паўнамоцтваў.

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».