Баявая машына знаходзіцца ў стадыі распрацоўкі.
У адной ваеннай праграме на Цэнтральным тэлебачанні Кітая было расказана, як працуе кітайскі беспілотны танк, які на дадзены момант яшчэ знаходзіцца ў стадыі распрацоўкі, перадае “Жэньмінь жыбаа” анлайн”.
На відэа было бачна, што вайсковец сядзіць перад кансоллю і кіруе рулём, а змешчаны недалёка ад яго баявы танк выконвае розныя ўказанні, такія як рух наперад і рух заднім ходам. Усё выглядае як у відэагульні. Галоўны рэдактар кітайскага спецыялізаванага часопіса «Tank and armoured venicle» ( «Танкі і бронемашыны») Лю Цзіншань адзначыў, што баявы танк тыпу 59 уяўляе сабой самы распаўсюджаны тып танка, які знаходзіцца на ваеннай службе ў Кітаі, і падвяргаецца інтэнсіўнай мадэрнізацыі і паляпшэнню. Большасць танкаў тыпу 59 знаходзіцца ў працоўным стане і здольныя далей служыць на працягу доўгага перыяду. Калі з дапамогай тэхналогій штучнага інтэлекту можна ажыццявіць беспілотнае кіраванне, то вялікая колькасць танкаў тыпу 59 могуць быць перабудаваны, а на іх базе створаны беспілотны браніраваны танкавы атрад.
Аднак, як паведаміў Лю Цзіньшань, з-за складанасці баявога поля, каб беспілотныя танкі змаглі атакаваць варожую пазіцыю і забяспечыць агнявую падтрымку, трэба ўвесці ў сістэму велізарны аб'ём інфармацый баявога поля ў рэальным часе. Ім трэба хутка распазнаць свае мэты. Тэхнічныя цяжкасці ў гэтай сферы аказваюцца складаней, чым у распрацоўцы беспілотных лятальных апаратаў.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.