Вы тут

Касманаўты выбралі найлепшыя дзіцячыя ідэі для авіяцыі будучыні


На конкурс малюнкаў было пададзена больш за 1400 работ. Дзеці прыдумалі і адлюстравалі на паперы самалёты, дырыжаблі і касмічныя караблі будучыні. Самыя лепшыя ідэі ўжо накіраваліся ў швейцарскую Лазану для ўдзелу ў міжнародным фінале конкурсу «FAІ Young Artіsts Contest 2018». А іх аўтарам уручылі сертыфікаты на палёты на верталёце, самалёце, аўтажыры і нават на скачок з парашутам.


Найлепшыя работы выбірала журы на чале з касманаўтам — выхадцам з Беларусі Алегам Навіцкім. Каб падзівіцца на дзіцячы палёт фантазіі, у Мінскі аэраклуб прыехалі і вядомыя касманаўты з Расіі, ЗША, Францыі і Германіі, расказалі ў Беларускай федэрацыі авіяцыйнага спорту.

Сярод дзяцей 7—10 гадоў пераможцай выбраная Лізавета Рогач, якая намалявала самалёт у выглядзе райскай птушкі з багатым «апярэннем». Другое месца заняў Максім Вараб'ёў з калейдаскопам лятальных апаратаў, а трэцяе — Аляксандра Марозава з «нябеснымі» аўтамабілямі.

Максіму Вараб'ёву пашанцавала ўдвая, бо яго работу адлюструюць на сцяне новага дзіцячага садка ў Новай Баравой (пра які «СГ» пісала ў мінулым выпуску). «Ён унясе свежы погляд на будучыню вачыма дзіцяці і, магчыма, натхніць пакаленне будучых авіяканструктараў», — адзначыла дырэктар кампаніі «А-100 Дэвелапмент» Святлана ШЭЎЛІК.

Ва ўзроставай катэгорыі 11—14 гадоў найлепшай стала Арына Марозава, якая паказала прыбыццё юных касманаўтаў у фантастычны сусвет. На другім месцы апынуўся Кірыл Папко, які прадставіў спаборніцтва лятаючай талеркі з самалётам Ан-2, а на трэцім — Ганна Шрамук, якая намалявала Мінск будучыні.

Сярод мастакоў ва ўзросце 15—18 гадоў першае месца заняў Уладзіслаў Нясцюк — ён прапанаваў канцэпт школьнага «канвертаплана» (па аналогіі са школьным аўтобусам). Другое месца — у Арцёма Тура з «лятаючымі кабінкамі» для сустрэчы світання, а трэцяе — у Ганны Цейкінай, якая намалявала касмалёт у форме дырыжабля.

Конкурс «FAІ Young Artіsts Contest 2018» праводзіцца Міжнароднай авіяцыйнай федэрацыяй ужо больш за 30 гадоў. Дзякуючы ініцыятыве Беларускай федэрацыі авіяцыйнага спорту змагацца ў сусветным конкурсе ўжо другі год могуць і юныя таленты з Беларусі.

Наталля МАЎЧАНАВА

Загаловак у газеце: Лятаючы аўтобус, «райскі» самалёт і кабінкі для сустрэчы світання

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.