Новыя правілы экспрэс-дастаўкі

Уводзяцца ў Кітаі з пачатку мая.

У Кітаі будуць уведзены новыя правілы, закліканыя актывізаваць развіццё хуткарослага сектара экспрэс-дастаўкі, перадае "Жэньмінь жыбаа" анлайн". 

У адпаведнасці з указам, падпісаным прэм'ерам Дзяржсавета КНР Лі Кэцянам, першыя ў краіне спецыяльныя правілы, якія рэгулююць сектар экспрэс-дастаўкі, уступаюць у дзеянне з 1 мая. Новыя правілы паслужаць нарматыўнай базай для упарадкавання аперацый кур'ерскіх кампаній і абароны інтарэсаў спажыўцоў. Правілы таксама накіраваны на рашэнне шэрагу актуальных праблем у сектары, уключаючы забеспячэнне бяспекі асабістай інфармацыі спажыўцоў і скарачэнне адходаў ад ўпаковачных матэрыялаў. 

Кітай чатыры гады запар лідзіруе ў свеце па аб'ёме здзелак у сектары экспрэс-дастаўкі, сярэднегадавы рост якой у краіне на працягу мінулых дзесяці гадоў складаў 42 працэнта. Звыш паловы аперацый экспрэс-дастаўкі ў свеце здзяйсняліся кітайскімі кампаніямі. У 2017 годзе аб'ём здзелак у сектары экспрэс-дастаўкі Кітая дасягнуў 495 млрд юаняў (каля 80 млрд долараў). 

Новыя правілы таксама заахвочваюць гульцоў сектара запускаць транснацыянальныя паслугі экспрэс-дастаўкі і актыўна пашыраць сваю прысутнасць на замежных рынках. "Правілы дапамогуць Кітаю ў фарміраванні сеткі экспрэс-дастаўкі, злучанай са знешнім светам, і дазволяць стымуляваць развіццё глабальнай лагістычнай сістэмы", - перакананы супрацоўнік Цэнтра па вывучэнні праблем развіцця пры Дзяржсавеце КНР Вэй Цзіган.