У Беларусi можа з'явiцца новы завод па перапрацоўцы цвёрдых камунальных адходаў.
Магчымасць яго стварэння разглядаецца бельгiйскай кампанiяй RenaSci, прадстаўнiкi якой на гэтым тыднi наведалi нашу краiну. Падчас вiзiту адбылося абмеркаванне практычных пытанняў ажыццяўлення праекта, у тым лiку звязаных з выбарам зямельнага ўчастка, падаткаабкладаннем, выплатай акцызаў, збытам вырабленай i адсартаванай для перапрацоўкi прадукцыi, а таксама атрыманнем iльгот.
— З бельгiйскiмi партнёрамi мы дамовiлiся працягваць сумесную працу па рэалiзацыi гэтага праекта i ўжо вызначылi шэраг наступных крокаў. У найблiжэйшы час спецыялiсты будуць займацца вызначэннем марфалагiчнага складу цвёрдых камунальных адходаў, якое дазволiць ацанiць iх рэсурсны патэнцыял i вызначыць перспектыўныя кiрункi яго выкарыстання, — адзначыў начальнiк аддзела па суправаджэннi iнвестараў Нацыянальнага агенцтва iнвестыцый i прыватызацыi Раман АЛЕЙНIКАЎ. — Далей мы зможам весцi перагаворы ўжо больш дэталёва. У бельгiйскага бiзнесу сапраўды ёсць вялiкая цiкавасць прыйсцi ў Беларусь, i цяпер мы прапрацоўваем ўмовы, якiя будуць выгадныя абодвум бакам.
Уладзiслаў ЛУКАШЭВIЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
