Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра перамогу нашых тэнісістак над Славакіяй у плэй-оф Кубка Федэрацыі, чарговы поспех беларускага баксёра на міжнародным рынгу і вынікі 4-га тура чэмпіянату краіны па футболе.


1. Нашы тэнісісткі перамаглі каманду Славакіі ў Кубку Федэрацыі і захавалі месца сярод васьмі найлепшых камандаў свету. Агульны лік матча 3:2. Сярод поспехаў — перамога Аляксандры Сасновіч у першы дзень над Янай Чапелавай і Арыны Сабаленкі ў нядзелю над Ганнай Каралінай Шмідлавай. Таксама беларускія тэнісісткі пацярпелі па адным паражэнні. Таму зыход матча вырашаўся ў парнай сустрэчы, у якой ад беларускага боку выступілі Лідзія Марозава і Вера Лапко. Дзяўчаты ўпэўнена правялі сустрэчу і атрымалі перамогу 6:3, 6:4.

Фота: БЕЛТА


2. Дзве ўзнагароды заваявалі нашы спартсменкі на трэцім этапе Кубка свету па мастацкай гімнастыцы ў Ташкенце. У групавых практыкаваннях каманда ў складзе Ганны Гайдукевіч, Лаліты Мацкевіч, Дзіяны Місючэнкі, Анастасіі Рыбаковай і Ганны Швайба заваявалі сярэбраны медаль у мнагабор'і, нашы дзяўчаты саступілі толькі расіянкам.

Па выніках мнагабор'я беларускі кваліфікаваліся ў фіналы ў практыкаванні з пяццю абручамі, а таксама дзвюма скакалкамі і трыма мячамі. У выніку гімнасткі змаглі падняцца на трэцюю прыступку п'едэстала пасля выступлення з пяццю абручамі.

У індывідуальных спаборніцтвах Беларусь прадстаўлялі Юлія Ісачэнка і Юлія Еўчык, на жаль, дзяўчаты засталіся без узнагарод.

Чацвёрты этап Кубка свету пройдзе ў Баку 27—29 красавіка.


3. Бягуння Анастасія Іванова заняла першае месца на марафоне ў Варшаве. Дыстанцыю ў 42,1 км яна пераадолела за 2 гадзіны 28 хв. 3 сек. На фінішы Анастасія апярэдзіла на чатыры секунды прадстаўніцу Эфіопіі Азмеру Абрэху Гдэй. Бронзавым прызёрам марафону стала полька Ізабэла Тжаскальска.

Нагадаем, у 2017 годзе Анастасія Іванова таксама стала першай у Польшчы з вынікам 2 гадзіны 28 хв. 43 сек.


4. Згуляны некаторыя матчы 4-га тура чэмпіянату краіны па футболе. Брэсцкае «Дынама» не змагло адолець «Смалявічы» — 2:2, «Прамень» (Мінск) саступіў «Слуцку» — 0:3, «Дынама» (Мінск) з мінімальнай перавагай перамагло «Гомель» — 2:1, «Тарпеда» (Мінск) пацярпела паражэнне ад «Нёмана» — 0:1, «Іслач» і «Гарадзея» не выявілі пераможцу — 0:0, «Тарпеда-БелАЗ» перайграла «Мінск» — 2:1.

Становішча ў групе лідараў: «Дынама» (Мінск) — 10 ачкоў (4 матчы), БАТЭ — 9 (3), «Слуцк» — 8 (4), «Віцебск» — 7 (3), «Дняпро» — 7 ( 3).

Учора ўвечары адбыліся заключныя матчы 4-га тура: «Віцебск» — БАТЭ (Барысаў), «Дняпро» (Магілёў) — «Шахцёр» (Салігорск).


5. Беларускі баксёр Мікалай Весялоў заваяваў чэмпіёнскі пояс Сусветнай баксёрскай асацыяцыі — WBА Соntіnеntаl. Паядынак адбыўся ў Таліне з эстонскім атлетам Паўлам Сямёнавым у сярэдняй вазе (72,5 кг). Па выніках 12-раўндавага бою суддзі аднагалосна аддалі перамогу беларусу.

Чэмпіёнскі пояс WBА Соntіnеntаl Мікалая Весялова дазваляе яму змагацца за тытул інтэркантынентальнага чэмпіёна, а пасля і чэмпіёна WBА.

Дар'я Лабажэвіч

Загаловак у газеце: Застаёмся ў эліце

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.