Вы тут

Датацыі на пуцёўкі ў дзіцячыя лагеры павялічаны


Для лагераў з кругласутачным знаходжаннем на 18 дзён яна сёлета вырасла да 185 рублёў, што складае больш за 40 % ад поўнага кошту. Для лагераў з дзённым знаходжаннем гэта сума вызначана ў памеры 76 рублёў, профільнага тыпу — 79 рублёў, спартыўна-аздараўленчага з кругласутачным знаходжаннем на 18 дзён — 205 рублёў, што таксама складае больш за 40 % ад поўнага кошту. Плата бацькоў складзе каля 10 % ад цаны пуцёўкі.


Гэтым летам гасцінна расчыняць свае дзверы 147 стацыянарных дзіцячых лагераў. Адначасова змясціць яны могуць 26 тысяч юных беларусаў. Як адзначыў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, адпачынак пачаўся яшчэ падчас вясенніх канікул. За гэты час аздаравіць паспелі 67 тысяч дзяцей, на што было выдаткавана больш за 1,7 мільёна рублёў.

Падрыхтоўка летніх аздараўленчых лагераў да сезона распачата некалькі тыдняў таму. Падчас рэспубліканскага суботніка на гэтых аб'ектах актыўна вяліся работы па добраўпарадкаванні. Частку выручаных сродкаў, якая застанецца ў распараджэнні выканкамаў, таксама накіруюць на ўмацаванне матэрыяльна-тэхнічнай базы дзіцячых лагераў.

Увогуле ж на сёлетнюю аздараўленчую кампанію з бюджэту выдаткавана 42 мільёны рублёў, гэта дазволіць аздаравіць 374 тысячы дзяцей (летась у дзіцячых лагерах пабывала 368 тысяч).

— Мы адышлі ад даведзеных аб'ёмаў аздараўлення, — заўважыў Генадзь Балбатоўскі. — Сёння дзейнічае заяўны прынцып. Таму ўсе тыя, хто мае патрэбу і права на аздараўленне, яго атрымаюць з выкарыстаннем бюджэтных сродкаў.

Алена КРАВЕЦ

Загаловак у газеце: Гайда адпачываць!

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.