Вялізнае фінальнае шоу пройдзе ў сталічным Палацы спорту. Яго тэлеверсію канал АНТ пакажа а 21 гадзіне.
Нагадаем, больш як 700 дзяўчат прайшлі сёлета абласныя кастынгі, усяго 30 сталі фіналісткамі, і толькі адна — тая, у якой арганічна спалучаюцца прыгажосць, інтэлект і найлепшыя рысы беларускага характару, — стане пераможцай.
У сённяшнім шоу адбудуцца чатыры дэфіле: візітная картка пазнаёміць гледачоў з усімі дзяўчатамі, выхад у нацыянальных касцюмах будзе дапоўнены элементамі вядомых беларускіх танцаў; традыцыйнае дэфіле ў купальніках стане як ніколі спартыўным, бо рэжысёры-пастаноўшчыкі звязалі яго з ІІ Еўрапейскімі гульнямі, і, нарэшце, выхад у вячэрніх уборах прадставіць 10 прэтэндэнтак на перамогу. Акрамя прысуджэння тытулаў «Міс Беларусь», «Першая віцэ-міс» і «Другая віцэ-міс», будуць названыя пераможцы ў спецыяльных намінацыях — «Міс фота», «Міс сяброўства», якую выбіраюць самі канкурсанткі, «Міс глядацкіх сімпатый» і іншыя.
Вікторыя ЦЕЛЯШУК
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».