Чатырохразовая алімпійская чэмпіёнка атрымала прыз за спартыўную высакароднасць ад Міжнароднага саюза біятланістаў (ІBU).
Гэтую ўзнагароду было вырашана ўручыць Дар'і па выніках галасавання атлетаў, якія выступаюць на Кубку свету. «Дар'я Домрачава атрымала прыз за спартыўную высакароднасць дзякуючы свайму ўчынку на этапе Кубка свету ў італьянскім Антхольцы», — растлумачылі ў ІBU. Аналагічнага прыза таксама ўдастоіўся нарвежац Яханэс Цінэс Бё. Нагадаем, падчас гонкі пераследу Дар'я Домрачава і італьянка Даратэя Вірэр змагаліся за другое месца пасля заключнай стральбы. Перад паваротам на фініш беларуска наступіла на лыжную палку Даратэі, і тая засталася толькі з адной. Дар'я Домрачава, убачыўшы гэта, вырашыла не апярэджваць італьянку і фінішавала трэцяй.
Дар'я ЛАБАЖЭВІЧ
Фота БЕЛТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
