Напярэдадні 100-гадовага юбілею магілёўскай міліцыі ўпраўленне ўнутраных спраў Магілёўскага аблвыканкама атрымала харугву з абліччам Бялыніцкай іконы Божай Маці.
Гэта сімвалічная падзея адбылася падчас урачыстага мітынгу супрацоўнікаў міліцыі на месцы подзвігу капітана Канстанціна Уладзімірава і яго байцоў з батальёна міліцыі, якія ў пачатку вайны да апошняга ўздыху абаранялі гэты рубеж каля вёскі Гаі. Са словамі малітвы і духоўнага наказу кіраўнік ваеннага аддзела Магілёўскай епархіі протаіерэй Сергій перадаў святыню начальніку ўпраўлення ўнутраных спраў Магілёўскага аблвыканкама палкоўніку міліцыі Ігару Шчарбачэню. Ігар Шчарбачэня адзначыў, што атрыманне гэтага дару — знакавая падзея для міліцыі, якая будзе садзейнічаць духоўнаму яднанню супрацоўнікаў у справе абароны вечных каштоўнасцяў грамадства — міру, дабра і справядлівасці.
На мітынгу былі адзначаны ўзнагародамі найлепшыя па службе. Нагрудны памятны знак «100 год магілёўскай міліцыі» атрымаў і ветэран Вялікай Айчыннай вайны палкоўнік міліцыі ў адстаўцы Мікалай Ількевіч. Міліцыянеры таксама ўшанавалі хвілінай маўчання памяць герояў Вялікай Айчыннай вайны і ўсклалі кветкі да помніка байцам батальёна міліцыі капітана Уладзімірава.
Нэлі ЗІГУЛЯ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
