Вы тут

У сталіцы адкрыўся Беларускі прамысловы форум


У краіне створаны ўмовы для развіцця прамысловасці за кошт інвестыцый і інавацый. Пра гэта падчас цырымоніі адкрыцця Беларускага прамысловага форуму ў мінскім Футбольным манежы заявіў намеснік прэм'ер-міністра Уладзімір Сямашка. Паводле яго слоў, тэмп росту прамысловай вытворчасці за студзень — красавік сёлета ў Беларусі склаў 108,8 %. Ва ўрадзе разлічваюць, што на аналагічным паказчыку будзе скончаны гэты год.


Кажучы аб прамысловым форуме, віцэ-прэм'ер адзначыў, што гэтае мерапрыемства ўжо зарэкамендавала сябе як пляцоўка, дзе спецыялісты могуць абмяняцца думкамі, прадэманстраваць свае дасягненні і выгадна прадаць распрацоўкі.

Беларускі прамысловы форум праходзіць у сталіцы з 29 мая па 1 чэрвеня. Цэнтральнае месца тут займае ХХІ Міжнародная спецыялізаваная выстаўка «ТэхІнаПрам», дзе абмяркоўваецца тэма чацвёртай прамысловай рэвалюцыі (Іndustrу 4.0). На форуме прадстаўлены экспаненты з 11 краін.

Мінпрамам сумесна з НАН Беларусі і Мінскім гарвыканкамам запланавана спецыялізаваная экспазіцыя, прысвечаная развіццю легкавога аўтамабілебудавання, вытворчасці электрамабіляў і рынку аўтакампанентаў. «Кіруючая кампанія холдынга «Белкамунмаш» разам са «Штадлер Мінск» арганізуюць у павільёне і на адкрытай пляцоўцы «ТэхІнаПрам» сумесную экспазіцыю сучасных і перспектыўных транспартных сродкаў і сістэм, накшталт электробусаў, хуткасных трамваяў, найноўшых тралейбусаў, аўтобусаў з дызельным і газаматорным рухавікамі, рухомых чыгуначных саставаў, вагонаў метро.

Ілья КРЫЖЭВІЧ

Фота БЕЛТА

Загаловак у газеце: Прамкампаніі з 11 краін сабраліся ў Мінску

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.