Вы тут

Тайканаўты выжылі ў пустыні


Кітайскія касманаўты завяршылі трэніроўкі па выжыванні.


Пятнаццаць кітайскіх касманаўтаў завяршылі трэніроўкі па выжыванні ў пустыні Бадан-Джарэнг непадалёк ад касмадрома Цзюцюань (Паўночна-Заходні Кітай), перадае "Жэньмінь жыбаа" анлайн"

Праграма трэніровак, арганізаваных Кітайскім цэнтрам падрыхтоўкі касманаўтаў, прадугледжвала падрыхтоўку касманаўтаў да выжывання ў пустыннай мясцовасці, калі спускаемая капсула адхіляtцца ад зоны прызямлення. 

Касманаўты перад адпраўкай у космас павінны ў рамках тэхнічнай падрыхтоўкі навучыцца выжываць у розных умовах. Трэніроўкі па выжыванні ў дзікай прыродзе з'яўляюцца важнай часткай падрыхтоўкі касманаўтаў ва ўсіх сусветных касмічных агенцтвах. Кандыдатаў на ўдзел у касмічных місіях пакідаюць у моры, пустынях, джунглях ці на ледавіках. 

Дадзеная праграма стала апошняй імпрэзай кітайскіх касманаўтаў па трэніроўцы выжывання пасля таго, як у жніўні 2017 года яны разам з двума еўрапейскімі касманаўтамі адпрацоўвалі выжыванне на моры ў акваторыі ля ўзбярэжжа горада Яньтай правінцыі Шаньдун (Усходні Кітай). У рамках апошняй трэніровачнай праграмы апранутыя ў скафандры касманаўты імітавалі сцэнарый аварыйнай пасадкі, у якім ад іх патрабавалася самастойна пакінуць капсулу, далажыць аб сваім месцазнаходжанні і выжыць у пустыні да прыбыцця ратавальнікаў на працягу 48 гадзін. 

Кітайскія касманаўты таксама адпрацавалі аварыйны выхад на стартавай пляцоўцы касмадрома Цзюцюань, з якога Кітай ажыццяўляў запуск ўсіх сваіх пілатуемых касмічных караблёў. Дадзеныя трэніровачныя праграмы з'яўляюцца часткай комплекснай падрыхтоўкі касманаўтаў для кітайскай касмічнай станцыі. 

Як вядома, Кітай плануе пачаць зборку сваёй касмічнай станцыі ў 2020 годзе. Згодна з планамі, на поўную моц станцыя запрацуе каля 2022-га.

Выбар рэдакцыі

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.

Грамадства

Шматдзетная маці з Полацка расследуе складаныя крымінальныя справы

Шматдзетная маці з Полацка расследуе складаныя крымінальныя справы

Наталля Івашчанка, якая служыць у Полацкім міжраённым аддзеле Следчага камітэта, выхоўвае траіх дзяцей.

Грамадства

Журналіст «Звязды» пракантраляваў нашэнне масак ў грамадскіх месцах

Журналіст «Звязды» пракантраляваў нашэнне масак ў грамадскіх месцах

Чаму наш карэспандэнт у Віцебску прычапіўся да пакупніцы ў краме? 

Эканоміка

Нябедна жыць не забароніш. Дадатковая пенсія з гарантыяй ад дзяржавы

Нябедна жыць не забароніш. Дадатковая пенсія з гарантыяй ад дзяржавы

Сёння з'явілася яшчэ адна магчымасць забяспечыць нябедную старасць.