Вы тут

«Клубніцы зараз — самыя смачныя!»


У гэтым аўтарытэтна запэўніваюць спецыялісты Лунінецкага раённага спажывецкага таварыства. Масавы нарыхтоўчы сезон на салодкія ягады па прагнозах будзе доўжыцца прыкладна да сярэдзіны наступнага тыдня. Варта нагадаць, што калі летась закупляць ягады ад насельніцтва пачалі фактычна з 10 чэрвеня, дык сёлета яны пайшлі на два тыдні раней.


— Мы нарыхтавалі ўжо больш за 150 тон клубніц, — расказала эканаміст раённага спажывецкага таварыства Аксана САЙКО. — З іх каля васьмі тон так званых адборных таварных ягад, якія пайшлі на рэалізацыю на рынках у Слуцку, Салігорску і Мінску, а таксама ў гандлёвую сетку сталіцы.

Таварныя і дробныя таварныя клубніцы зараз прымаюць ад насельніцтва ад 60 капеек да 1,2 рубля за кілаграм. Буйныя ягады ідуць да 2,5 рубля, вельмі буйныя — даражэй за гэтую лічбу. Але пераважна закупачныя цэны вагаюцца ад 1,8 да 2,2 рубля за кілаграм. Для кансервавых прадпрыемстваў ягады набываюць па 50 капеек, для вінаробства — па 30 капеек за кілаграм. Але ягад апошняй катэгорыі вельмі мала, зазначыла Аксана Сайко. Падчас сухога надвор'я яны не даходзілі да нарыхтоўшчыка, паколькі карыстаюцца ў пакупнікоў найбольшым попытам, напрыклад для вырабу варэння.

Як заўсёды, на жаль, не абышлося без умяшання «нябеснай канцылярыі». Штогод ягады то залівае, то сушыць. Вось і ў панядзелак у Лунінецкім раёне прайшлі дажджы, але, як кажуць людзі, клубніцы паспелі згарэць. Але ж шмат даспела і ў добрай якасці.

Сяргей РАСОЛЬКА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.