Вы тут

Савецкаму Карлсану — 50 гадоў


Забаўнага, безжурботнага і часам не ў меру гарэзлівага, затое «ў меру ўкормленага мужчыну ў самым росквіце сіл» шведская пісьменніца Астрыд Ліндгрэн прыдумала яшчэ ў сярэдзіне мінулага стагоддзя. З таго часу пра Карлсана не адзін раз спявалі, здымалі кіно, малявалі мультфільмы, ставілі спектаклі і нават... балет. Але менавіта савецкі мультфільм «Малыш і Карлсан», які выйшаў на экраны ў 1968-м, зрабіў чалавечка з прапелерам любімым персанажам мільёнаў дзяцей і дарослых. Экранізацыя прывяла ў захапленне і саму пісьменніцу, а падчас візіту ў СССР яна асобна пажадала сустрэцца з Васілём Ліванавым, які агучыў Карлсана... У гонар юбілею «Звязда» сабрала некаторыя цікавыя факты, звязаныя з мультфільмам.


У 1968 годзе выйшлі адразу два першыя мультфільмы пра Карлсана: адзін у Чэхаславакіі, другі — у СССР. Работу чэшскіх мультыплікатараў гісторыя практычна не захавала, а савецкая версія, дзе для малявання ўпершыню быў выкарыстаны прыём электраграфіі, стала адной з найлепшых у свеце. Што цікава, першы мастацкі фільм — «Самы лепшы ў свеце Карлсан», зняты сумесна Швецыяй і Германіяй, выйшаў толькі ў 1975-м, а ў савецкі пракат трапіў яшчэ на пяць гадоў пазней.

Васіль Ліванаў заўважыў падчас прагляду эскізаў, што ягоны герой падобны на вядомага рэжысёра Рыгора Рашаля, таму вобраз Карлсана атрымаўся шмат у чым пародыяй на канкрэтнага чалавека. На прэм'еры мультфільма рэжысёр спачатку ніяк не мог уцяміць, чаму зала з яго смяецца, а дазнаўшыся праўду, даслаў акцёру паштоўку з подпісам: «Рашаль, які жыве на даху».

У ролі Фрэкен Бок рэжысёр Барыс Сцяпанцаў бачыў толькі Фаіну Ранеўскую, але актрыса доўгі час адмаўлялася, бо крыўдавала на знешняе падабенства з «домамучыцелькай». У выніку яна прыступіла да работы, але... выгнала рэжысёра са студыі падчас агучвання і заявіла, што лепш ведае, як усё зрабіць.

І толькі Клара Румянава, голасам якой размаўляюць больш як 300 персанажаў савецкіх мультфільмаў, агучыла свайго Малыша без ніякіх «але».

Дарэчы, менавіта акцёры прыдумалі значную частку крылатых фраз, накшталт «А ў вас малако пабегла», «Скажы мне, мілае дзіця, у якім вуху ў мяне гудзе?» або «Справа жыццёвая», якіх не было ў сцэнарыі.

Акрамя музыкі Генадзя Гладкова, у мультфільме падчас пагоні за зладзеямі гучыць мелодыя, не згаданая ў цітрах. Гэта Hоusе оf Hоrrоrs Мерва Грыфіна — выкананая аркестрам у рытме твіста апрацоўка знакамітых «Скокаў Смерці» Сен-Санса і жалобнага марша Шапэна (!).

У 1970 годзе выйшаў працяг мультфільма — «Карлсан вярнуўся». У планах была і трэцяя частка: пустая стужка, падпісаная «Карлсан ізноў гарэзіць», захоўваецца на студыі дагэтуль. «Саюзмультфільм» з 2013 года вядзе перамовы са спадчыннікамі Астрыд Ліндгрэн наконт далейшай экранізацыі прыгод Малыша і Карлсана — магчыма, у выглядзе серыяла

Загаловак у газеце: «Ён паляцеў, але абяцаў вярнуцца...»

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».