Вы тут

Кітай адкрыў новае акно ў Еўропу праз Беларусь


Паміж Беларуссю і Кітаем з'явіўся новы чыгуначны маршрут грузавых зносін. Першы цягнік з 38 кантэйнерамі з акругі Шыцзячжуан кітайскай правінцыі Хэбэй прыбыў на тэрмінал Калядзічы, што знаходзіцца пад Мінскам. Гэты раз таварны састаў пакіне свой груз у Беларусі, аднак у найбліжэйшай будучыні новы лагістычны ланцужок дазволіць паскорыць абмен прамысловымі таварамі паміж Кітаем і краінамі Еўропы.


Паводле слоў першага намесніка начальніка Беларускай чыгункі Ігара Шылава чыгуначныя перавозкі з Кітаем зараз імкліва растуць.

«Сёлета мы плануем правесці праз беларускую чыгунку больш за 4 тысячы кантэйнерных цягнікоў з Кітая ў Еўропу, у тым ліку і ў нашу краіну і назад», — адзначыў падчас цырымоніі адкрыцця новага маршруту Ігар Шылаў.

Таксама плануецца, што новы шлях стымулюе беларускіх бізнесменаў пашыраць свой экспартны патэнцыял.

«БЧ сумесна з Сhіnа Mеrсhаnts Grоuр, лагістычнымі аператарамі, партнёрамі і перавозчыкамі ствараюць усе неабходныя ўмовы для бесперашкоднага грузавога абароту тавараў. Сёння няма праблем для перамяшчэння беларускіх тавараў у 12 правінцый Кітая, як і няма праблемы па перамяшчэнні кітайскіх тавараў у Беларусь. Мы чакаем рэакцыі беларускага і кітайскага бізнесу: умовы створаны», — канстатаваў першы намеснік начальніка БЧ.

Як адзначыў генеральны дырэктар прадпрыемства «Белінтэртранс — транспартна-лагістычны цэнтр» Яўген Усянкоў, пасля сустрэчы першага цягніка плануецца правесці рэкламную кампанію, каб прыцягнуць бізнес. Чакаецца, што ў месяц магчыма будзе адпраўляць 3-4 цягнікі з правінцыі Хэбэй.

«У асноўным па новым маршруце будуць перавозіць тавары прамысловага прызначэння. У далейшым плануецца наладзіць дастаўку кітайскіх грузаў да Еўропы, краін Балтыі і СНД», — растлумачыў Яўген Усянкоў.

Акрамя таго, паводле яго ацэнак, чыгуначны транспарт робіць перавозку грузаў таннейшай у 10 разоў у параўнанні з авіяцыяй. Важная перавага выкарыстання чыгункі — і ў тэрміне дастаўкі. Сёння цягнік па новым маршруце зможа дастаўляць грузы за 14 дзён. Напрыклад, калі везці тавары праз Клайпедскі порт, то тэрмін можа павялічыцца ў 3-4 разы.

Ілья КРЫЖЭВІЧ

Фота БЕЛТА

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».