Вы тут

У Вiцебску прайшлi дзясяткi цiкавых мерапрыемстваў


У Вiцебску прайшлi дзясяткi цiкавых мерапрыемстваў у межах святкавання Дня горада. Сталiцы мiжнароднага фестывалю мастацтваў «Славянскi базар» споўнiлася 1044 гады. Падчас «iмянiн», якiя расцягнулiся на некалькi дзён, «фiшак» было нямала.


У мiнулую суботу, напрыклад, прэзентавалi дзве скульптуры. Адну з iх — «Вiцебскi волат» усталявалi ў скверы Маякоўскага, памiж сiмвалам горада, ратушай i дырэкцыяй фестывалю. Правобраз волата — Фёдар Махноў — нарадзiўся ў чэрвенi 1878 года на хутары каля вёскi Касцюкi (на тэрыторыi Вiцебскага раёна), памёр у 1912-м. Ёсць дакументальныя крынiцы, якiя сведчаць, што ён быў вышынёй 2 метры 85 сантыметраў i важыў 180 кiлаграмаў. Iнфармацыя пра рост ёсць i на каменi непадалёк ад скульптуры. Дарэчы, яна вышэйшая i складае 310 сантыметраў, бо волат з цылiндрам на галаве...

Яшчэ адной навiнкай у гарадскiм асяроддзi стала скульптура, якая сiмвалiзуе адну з трох рэк Вiцебска — Лучосу. Паколькi ўвекавечылi яе ў вобразе нiмфы, якая ўзвышаецца на каменi над хвалямi, жартаўнiкi ўжо прыдумалi назву твору — «Вiцебская русалка». Яе можна ўбачыць каля гатэля «Лучоса».

Кiраўнiцтва гарвыканкама, прадстаўнiкi дэлегацый гарадоў-пабрацiмаў прысутнiчалi на цырымонiях адкрыцця скульптур, iншых мерапрыемствах. Прысутныя ацанiлi крэатыўны творчы падыход арганiзатараў прэзентацый.

У рамках трэцяга мiжнароднага конкурсу — фестывалю фатаграфii «ФотаКрок» адкрылi музей фатаграфii iмя Сiгiзмунда Юркоўскага, якi 135 гадоў таму сканструяваў затвор. Ён працаваў у Вiцебску, пры гэтым быў адным з самых вядомых фотамайстроў свайго часу. Фестываль з удзелам фатографаў з розных краiн правялi пры падтрымцы дэпутатаў беларускага парламента. Падрабязнасцi ў наступных нумарах «Звязды».

На святкаваннi Дня горада-iмянiннiка многае нагадвала «Славянскi базар». У прыватнасцi, стваралi добры настрой i ўдзельнiкi фестывальнага праекта вулiчнага мастацтва «На сямi вятрах». Нездарма Дзень горада ў Вiцебску называюць «генеральнай рэпетыцыяй» самага маштабнага на постсавецкай прасторы фестывалю.

З ранiцы да позняга вечара пад адкрытым небам працавалi кiрмашы, гандлёвыя рады, арганiзоўвалi вулiчныя канцэрты i забаўляльныя праграмы.

Адбылiся пленэр юных мастакоў, выстаўка рэтра-аўто, вулiчны паказ фiльмаў, знятых у савецкi час, свята паэтаў i пiсьменнiкаў, конкурс паветраных змеяў, XXV Мiжнародны турнiр па iнтэлектуальных гульнях «Кубак княгiнi Вольгi» i многае iншае.

Усюды было шмат гледачоў. Напрыклад, на пляцоўцы, аддадзенай аматарам гiстарычнай рэканструкцыi, а таксама ў Летнiм амфiтэатры, дзе тысячы гараджан i гасцей горада ўбачылi традыцыйны святочны канцэрт.

Святочны феерверк, светлавое шоу ў суботу сталi цудоўным падарункам гораду i тым, хто яго любiць.

А ў нядзелю на плошчы Перамогi адбыўся «Дзень моладзi». У насычанай праграме, у лiку iншага, былi спартыўная зарадка «Запальвай, моладзь», конкурсны велапрабег, танцавальны марафон «Агонь танца» i «Бiтва дыджэяў».

Для сямейнага адпачынку арганiзавалi розныя мерапрыемствы ў парку iмя Савецкай Армii, заапарку, культурна-гiстарычным комплексе «Залатое кальцо горада Вiцебска «Дзвiна».

У святочныя днi можна было пракацiцца на экскурсiйным трамваi, i па хвалях Заходняй Дзвiны — падчас цеплаходнага ваяжу.

Аляксандр ПУКШАНСКІ

Фота Віктара НІКАЛАЕВА

Загаловак у газеце: Генеральная рэпетыцыя свята

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.