Вы тут

Аляксандр Лукашэнка разгледзеў кадравыя пытанні


Прэзідэнт Беларусі Аляксандр Лукашэнка разгледзеў кадравыя пытанні. Так, былі прызначаны кіраўнікі ўпраўленняў Камітэта дзяржаўнай бяспекі, намеснік старшыні структуры, а таксама начальнік адпаведнай адукацыйнай установы.


“Нягледзячы на тое, што гэта арганізацыя ваенная, людзі ў ёй усё адно павінны быць досыць самастойнымі. Асобамі павінны быць”, – падрэсліў кіраўнік дзяржавы. У прынцыповасці кандыдатаў яго ўпэўніў старшыня КДБ Валерый Вакульчык. 

“Супакойвацца нам ніхто не дасць, – заявіў беларускі лідар. – У нас не так спакойна і вакол краіны. Гэта таксама часткова ваша праблема, ваша задача. Але там у нас ёсць ваенныя. Яны павінны забяспечыць ваенную бяспеку дзяржавы. Але і міліцыя, і Камітэт дзяржбяспекі – людзі не пабочныя. Улічваючы нават вопыт мінулай вайны, пад ружжо сталі ўсе, калі порахам запахла. Але галоўная ваша задача – бяспека тых працэсаў і таго стану дзяржавы, што забяспечваюцца ўнутры. І вам – вялікі давер, але і значныя патрабаванні”.

Камітэт дзяржбяспекі шмат чаго робіць і для эканамічнай бяспекі краіны. Прэзідэнт станоўча ацаніў, як наладажна зараз яго работа. “Але пры гэтым я хачу адзначыць, што ў камітэта не толькі адно з галоўных пытанняў – барацьба з карупцыяй і іншымі падобнымі выпадкамі. У камітэце ёсць такія напрамкі, як разведка, контрразведка. Вы забяспечваеце Прэзідэнта і іншых кіраўнікоў надзейнай сувяззю”, – заўважыў Аляксандр Лукашэнка і дадаў, што зараз з’явіўся і новы кірунак дзейнасці – барацьба з тэрарызмам. І хаця ў Беларусі з гэтым значных праблем няма, у свеце іншыя, адмоўныя тэндэнцыі.

“Не дапусціма, каб, не дай бог, у Камітэце дзяржбяспекі з’явіліся тэндэнцыі, супраць якіх мы з вамі змагаемся. Я маю на ўвазе карупцыю, хабарніцтва. Несумленныя, амаральныя паводзіны нашых кіраўнікоў – з нізу да верху, – сказаў кіраўнік дзяржавы і яшчэ раз заклікаў не дапусціць падобных з’яў у межах Камітэта. – Народ мяне адразу папракне ў тым, што я вам занадта давяраў, а вы паглядзіце, якія яны самі. У нас няма людзей, якія знаходзяцца па-за кантролем”. І такая палітыка павінна дзейнічаць без выключэнняў, падкрэсліў Прэзідэнт.

Па яго словах, КДБ быў і ёсць своеасаблівым чысцілішчам. Таму там павінны працаваць сумленныя, шчырыя, прафесійныя кадры, якія будуць разумець, што на іх плячах будзе ляжаць галоўнае – бяспека і суверэнітэт дзяржавы. Аляксандр Лукашэнка падкрэсліў, што ўнутры структуры павінен быць бездакорны парадак. “Вы многія сыходзіце працаваць у тэрытарыяльныя органы. Запомніце: ніякай кругавой парукі. Я ўжо міма старшыні, хаця і ён чалавек, які ніколі не падводзіў, назіраю за гэтым працэсам”, – сказаў кіраўнік дзяржавы. Ён загадаў адшукаць агульную мову з кіраўнікамі сваіх рэгіёнаў, але ні ў якім разе не думаць пра “дапамогу” ім па сяброўстве. Пры гэтым беларускі лідар падкрэсліў, што давярае структуры, але гэта не выключае кантролю над ёй.

Кіраўнік дзяржавы прызначыў:

  • Уладзіміра Калача – намеснікам Старшыні Камітэта дзяржаўнай бяспекі Рэспублікі Беларусь
  • Дзмітрыя Рэуцкага – начальнікам УКДБ па г.Мінску і Мінскай вобласці
  • Алега Сталерчука – начальнікам УКДБ па Віцебскай вобласці
  • Аляксандра Церахава – начальнікам УКДБ па Магілёўскай вобласці
  • Аляксандра Невяроўскага – начальнікам УКДБ па Гродзенскай вобласці
  • Сяргея Гладышава – начальнікам УКДБ па Брэсцкай вобласці
  • Вячаслава Язэрскага – начальнікам ДУА “Інстытут нацыянальнай бяспекі”

З першых вуснаў

Валерый ВАКУЛЬЧЫК, старшыня Камітэта дзяржаўнай бяспекі:

– Няпростая абстаноўка складваецца ў свеце, у тым ліку і вакол Рэспублікі Беларусь. Гэта выклікае пытанні аб бяспецы краіны. У тым ліку і тыя, што адносяцца да кампетэнцыі КДБ. З яго – асаблівае патрабаванне. Кіраўніком дзяржавы былі акрэслены задачы па аптымізацыі камітэта і павышэнні эфектыўнасці яго работы, амаладжэнню і ратацыі кадраў. Супрацоўнікі камітэта павінны быць узорам. Бо каб аб’ектыўна глядзець на іншых, трэба самім быць бездакорнымі.

Вераніка ПУСТАВІТ

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.