МТС выступіў нацыянальным партнёрам ІІ Еўрапейскіх гульняў у Мінску*

Адпаведны дагавор кампанія МТС падпісала з фондам "Дырэкцыя ІІ Еўрапейскіх гульняў 2019 года". Гэты аператар прыме ўдзел у забеспячэнні інавацыйных рашэнняў і будаўніцтве тэхнічнай інфраструктуры для галоўнай спартыўнай падзеі наступнага года ў краіне.

Пытанні сацыяльнай адказнасці

— Жыхары нашых краін жывуць у свеце, які вельмі дынамічна развіваецца, дзе тэхналагічнасць з'яўляецца адным з вызначальных фактараў у арганізацыі буйных падзей. Мы рады, што ў падрыхтоўцы ІІ Еўрапейскіх гульняў нашым партнёрам выступіць кампанія МТС — адзін з прызнаных лідараў рынку, — адзначыў дырэктар фонду "Дырэкцыя ІІ Еўрапейскіх гульняў 2019 года" Георгій Катулін. — Але яшчэ больш мы рады таму, што гэтае супрацоўніцтва скіравана ў першую чаргу на развіццё інфраструктуры краіны ў цэлым, а гэта стане выдатнай спадчынай для яе жыхароў.

"Вельмі прыемна, што сям'я нашых партнёраў папоўнілася кампаніяй, чыімі сацыяльнымі прыярытэтамі з'яўляюцца развіццё інфраструктуры краіны, падтрымка масавага спорту і здаровага ладу жыцця", — лічыць дырэктар фонду.

Акрамя таго, Георгій Катулін сказаў, што кампанія МТС з'яўляецца даўнім партнёрам Нацыянальнага алімпійскага камітэта. Пры яе дапамозе была арганізавана маса значных сацыяльна-спартыўных мерапрыемстваў. "І нам прыемна, што вы не здраджваеце традыцыям і працягваеце падтрымліваць спорт у Беларусі", — пахваліў мабільнага аператара Георгій Катулін. Ён тут жа заўважыў, што госці ІІ Еўрапейскіх гульняў будуць мець патрэбу ў якаснай тэлекамунікацыйнай інфраструктуры.

"Комплекснае забеспячэнне гульняў ІT-тэхналогіямі прадугледжвае ў тым ліку наяўнасць на кожным з аб'ектаў свайго мабільнага прэс-цэнтра, распаўсюджанне інфармацыі аб выніках спаборніцтваў сярод спецыялістаў і балельшчыкаў. Усё гэта немагчыма рэалізаваць без удзелу аднаго з нашых найбуйнейшых партнёраў на рынку мабільнай сувязі — кампаніі МТС", — дадаў дырэктар фонду.

Генеральны дырэктар СТАА "Мабільныя ТэлеСістэмы" Уладзімір Карповіч адзначыў, што кампанія МТС традыцыйна з увагай ставіцца да пытанняў карпаратыўнай сацыяльнай адказнасці, развіцця спорту.

Безумоўна, ІІ Еўрапейскія гульні — знакавая падзея для Беларусі. Для таго каб яны прайшлі сапраўды на высокім узроўні, перад краінай пастаўленыя ў тым ліку інавацыйныя задачы

"Мы як кампанія — пастаўшчык інавацыйных паслуг уносім свой уклад у тое, каб новыя тэхналагічныя платформы працавалі на рэалізацыю задач, ускладзеных на фонд. Яшчэ адзін важны момант — паляпшэнне інфраструктуры сувязі, паляпшэнне сэрвісаў, звязаных з месцамі правядзення спаборніцтваў. Наш праект ахоплівае ўсе спартыўныя і трэніровачныя пляцоўкі, месца размяшчэння спартсменаў, гасцей, транспартныя калідоры. Перад намі стаіць комплексная задача. Хачу адзначыць, што прынятыя меры будуць і ў далейшым працаваць на інтарэсы нашых грамадзян, на развіццё прывабнасці нашай краіны", — расказаў Уладзімір Карповіч.

— Як кампанія — пастаўшчык інавацыйных паслуг, мы бачым для сябе адказнасць і ўносім свой уклад у забеспячэнне маштабнага спартыўнага форуму перадавымі тэхналогіямі, якія дазволяць стварыць неабходную ІT-інфраструктуру для правядзення Гульняў, — адзначыў генеральны дырэктар аператара. — Сёння намі рэалізуюцца праекты, якія дадуць магчымасць забяспечыць якаснай галасавой сувяззю і мабільным інтэрнэтам важныя для спартсменаў, журналістаў і балельшчыкаў аб'екты — стадыёны, трэніровачныя базы, фан-зоны, гасцініцы і дарогі, каб зрабіць знаходжанне гасцей беларускай сталіцы максімальна камфортным.

Новы стадыён "Дынама", "Стайкі" і іншыя

Агульнавядома тое, што першым замежных гасцей прыме абноўлены стадыён "Дынама". Тут пройдзе цырымонія адкрыцця Гульняў. МТС выступіў адным з забудоўшчыкаў тэлекамунікацыйнай інфраструктуры спартыўнай арэны.

Рэалізуючы праект, спецыялісты кампаніі выкарысталі сусветны вопыт: базавыя станцыі спланаваны з улікам пропуску пікавага трафіка і дазволяць забяспечыць галасавой сувяззю і мабільным інтэрнэтам больш за 20 тысяч чалавек. Асаблівая ўвага трыбунам — з-за асаблівасцяў канструкцыі аб'екта абсталяванне зманціравана нестандартным спосабам: частка спецыяльных антэн размешчана непасрэдна над трыбунамі па ўсім перыметры стадыёна, частка — унутры памяшканняў арэны (vіp-залы, памяшканні для прэс-канферэнцый), што дазваляе забяспечыць максімальнае пакрыццё і гарантаваць якасную сувязь балельшчыкам, каментатарам і спартыўным журналістам.

Абсталяванне паспяхова прайшло тэсціраванне і гатовае да працы падчас спаборніцтваў з шматтысячнай аўдыторыяй. Акрамя таго, МТС павялічыць ёмістасць сеткі на іншых спартыўных аб'ектах краіны, у тым ліку трэніровачных. Сярод іх: "Мінск-Арэна", "Чыжоўка-Арэна", Палац спорту, Рэспубліканскі цэнтр алімпійскай падрыхтоўкі па тэнісе, лёгкаатлетычны стадыён, Палац мастацкай гімнастыкі, алімпійскі спарткомплекс "Стайкі", вучылішча алімпійскага рэзерву і іншыя. Сетку рыхтуюць да вялікіх нагрузак і на іншых лакацыях, якія прымуць значную колькасць наведвальнікаў: у месцах пражывання спартсменаў і балельшчыкаў, а таксама ў фан-зонах, дзе будуць выкарыстоўваць у тым ліку і перасоўныя базавыя станцыі.

Мабільная сувязь у дарозе...

Для камфорту гасцей нашай сталіцы, у дадатак да ўжо рэалізаванага з Беларускай чыгункай праекта па забеспячэнні ўсіх 19 чыгуначных вакзалаў краіны грамадскім Wі-Fі, да Еўрапейскіх гульняў плануецца палепшыць сувязь па маршрутах руху цягнікоў у асноўных напрамках. Гэта: Гомель — Жлобін — Асіповічы — Мінск — Маладзечна — Гудагай; Брэст — Баранавічы — Мінск — Орша; Жлобін — Магілёў — Орша — Віцебск — Езярышча. Усяго сувяззю плануецца пакрыць не менш за 1,3 тысячы кіламетраў чыгуначных шляхоў зносін. Дадатковыя базавыя станцыі з'явяцца і ўздоўж буйных магістраляў — каля сотні вышак, што забяспечыць якасны доступ да хуткаснага мабільнага інтэрнэту па тэхналогіі 3G па крытэрыі "ўнутры аўтамабіля".

Ёмістасць сеткі павялічаць і ў міжнародных пунктах пропуску, тут таксама запрацуюць новыя базавыя станцыі. Ужо забяспечана стапрацэнтнае пакрыццё 4G трасы М2 Мінск — Нацыянальны аэрапорт Мінск. Сувяззю чацвёртага пакалення абаненты МТС могуць карыстацца і ў будынку аэрапорта, што дае яшчэ больш камфорту пры карыстанні інтэрнэт-сэрвісамі і паслугамі аператара.

...і пад зямлёй

Да Еўрапейскіх гульняў мабільная сувязь з'явіцца ў тунэлях мінскага метро, паведаміў кіраўнік тэхнічнага дэпартамента сотавага аператара Аляксей Цяжкіх.

"Паляпшэнне якасці сувязі ў Мінскім метрапалітэне, у прыватнасці забеспячэнне бесперапыннай сувязі ва ўсіх тунэлях метро, з'яўляецца неад'емнай часткай падрыхтоўкі да ІІ Еўрапейскіх гульняў. Сёння гэта сумесны праект з іншым аператарам, які мы плануем рэалізаваць да гульняў. Вынікам будзе суцэльнае пакрыццё ўнутры вагонаў на ўсім працягу тунэляў Мінскага метрапалітэна", — сказаў Аляксей Цяжкіх.

Сяргей КУРКАЧ

УНП 800013732

На правах рэкламы