Вы тут

Як у Глыбоцкім раёне ахоўваюць унікальныя краявіды


Кантраляваць мадэрнізацыю ачышчальных збудаванняў старых прадпрыемстваў, падтрымліваць парадак на сваёй тэрыторыі — гэта толькі малая частка тых задач, якія вырашае Глыбоцкая раённая інспекцыя прыродных рэсурсаў і аховы навакольнага асяроддзя.


— Маё меркаванне такое: навядзенне парадку пачынаецца не з афарбоўкі плота, а з больш глабальных пытанняў, — кажа начальнік інспекцыі Аляксандр КАЗАК. — У прыватнасці, за апошні час праведзена першая чарга каналізавання горада Глыбокае, пабудаваны і ўжо працуюць ачышчальныя збудаванні з глыбокай біялагічнай ачысткай за кошт крэдытаў Сусветнага банка рэканструкцыі і развіцця. Дзякуючы правядзенню каналізавання ў ААТ «Глыбоцкі аграсэрвіс» спынены выпуск сцёкавых вод у возера Кагальнае, ажыццяўляецца іх скід у гарадскую каналізацыю, чым забяспечваецца нарматыўная ачыстка сцёкавых вод і паляпшэнне якасці паверхневых вод, скарачаецца і аб'ём недастаткова ачышчаных сцёкавых вод. Адбылася таксама маштабная рэканструкцыя цэха сухой сыроваткі УП «Глыбоцкі МКК», таму цяпер малочная сыроватка не трапіць у каналізацыю. Праведзены рамонт ачышчальных збудаванняў з закрыццём выпуску сцёкавых вод у паверхневы водны аб'ект — раку Бярозаўку — у аб'ёме 1262 тыс. м3. Для прадухілення забруджвання падземных вод выкананы ліквідацыйны тампанаж чатырох артэзіянскіх свідравін, якія цяпер не выкарыстоўваюцца.

— У раёне нямала прамысловых прадпрыемстваў, пабудаваных у той час, калі патрабаванні да экалагічнай бяспекі былі не такія высокія. Якое становішча спраў сёння на гэтых прадпрыемствах?

— На шасці вытворчых аб'ектах праведзены мерапрыемствы па мадэрнізацыі, аптымізацыі і замене тэхнічна і маральна састарэлага абсталявання, што дазволіла знізіць выкіды шкодных рэчываў у атмасфернае паветра на 1,1 тоны. З усіх прадпрыемстваў раёна найбольшы валавы выкід забруджвальных рэчываў у атмасфернае паветра складаюць аб'екты УП ЖКГ. Асноўныя крыніцы выкідаў — трубы кацельных установак, таму кацельныя цяпер рэканструююцца і мадэрнізуюцца. Сёлета на ААТ «Глыбоцкі камбікормавы завод» праведзена замена трох цыклонаў; замененыя вентылятары на аспірацыйнай сістэме, на элеватары заменены састарэлыя маторарэдуктары на стужачных транспарцёрах, што зніжае хуткасць і памяншае выкіды; праведзена замена шлюзавых засавак аспірацыйнай устаноўкі ў адным з цэхаў. Сярод кіраўнікоў прадпрыемстваў, у раённых улад ёсць разуменне таго, што трэба мадэрнізаваць старыя прадпрыемствы, у тым ліку, а часам і перш за ўсё, па экалагічнай лініі.

— Ці атрымліваецца ў раёна прыцягваць гранты для фінансавання экалагічных праектаў?

— Так, мы імкнёмся ўдзельнічаць у міжнародных праектах з мэтай вывучэння цікавага вопыту і прыцягнення фінансаў. Напрыклад, у мінулым годзе інспекцыя прымала ўдзел у рабочай групе праекта Еўрасаюза «Садзейнічанне развіццю на мясцовым узроўні ў Рэспубліцы Беларусь. Устойлівае кіраванне цвёрдымі камунальнымі бытавымі адходамі ў г. п. Падсвілле» ў сувязі з экалагічнай скіраванасцю гэтай праграмы. У выніку рэалізацыі праекта рэкультываваны міні-палігон Воранава, высаджаны чатыры тысячы сеянцаў хвоі. Таксама набыта 45 еўракантэйнераў для паасобнага збору адходаў, добраўпарадкавана дзевяць кантэйнерных пляцовак з цвёрдым пакрыццём і агароджай з металапрофілю.

— На мой погляд турыста, Глыбоцкі раён — адзін з самых добраўпарадкаваных і прыгожых, пачынаючы ад гарадскіх вуліц і завяршаючы прыватнымі падворкамі. Вам, напэўна, нават штрафы не даводзіцца выпісваць нядбайным гаспадарам?

— На жаль, парушэнні прыродаахоўнага заканадаўства ўсё ж бываюць. Навядзенне парадку на зямлі — адзін з нашых прыярытэтаў, таму з пачатку года праведзены выбарачныя абследаванні 1315 аб'ектаў, у тым ліку 621 сельскагаспадарчага, 72 водных аб'ектаў, 45 міні-палігонаў ЦКА, 320 сельскіх населеных пунктаў. У той жа час хочацца адзначыць сістэматычную працу раённых улад, інспекцыі ў частцы навядзення парадку на зямлі і добраўпарадкавання. Прыгажосць роднай зямлі — гэта, можна сказаць, брэнд нашага раёна. Таму ёсць і пацвярджэнне: па выніках правядзення конкурсу па добраўпарадкаванні і навядзенні парадку на зямлі ў 2013 годзе Глыбокае заняло першае месца ў краіне. Зона адпачынку на возеры Кагальнае ў 2015 годзе заняла першае месца ў Беларусі па добраўпарадкаванні. У 2016 годзе аграгарадок Удзела па добраўпарадкаванні сярод населеных пунктаў 5-й катэгорыі прызнаны адным з найлепшых у краіне. У мінулым годзе Глыбоцкі раён па культуры земляробства заняў першае месца ў Беларусі. Нашы людзі не шкадуюць сіл, сродкаў і фантазіі для добраўпарадкавання, таму што любяць сваю зямлю і хочуць жыць у прыгожым навакольным асяроддзі.

Аксана ЯНОЎСКАЯ

Загаловак у газеце: Прыгажосць наваколля як брэнд

Выбар рэдакцыі

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.