Вы тут

Ад змянення клімату да біяразнастайнасці


Мінпрыроды прымае заяўкі прапаноў для рэалізацыі экалагічных праектаў пры фінансавай падтрымцы ГЭФ. Апошні тэрмін іх падачы — 10 жніўня.


З 1 ліпеня 2018 года пачаўся сёмы фінансавы перыяд работы Глабальнага экалагічнага фонду (ГЭФ), разлічаны на чатыры гады. Да 2022 года на рэалізацыю экалагічных праектаў у Беларусі запланавана накіраваць каля $8,6 млн. Тэматыка праектаў будзе засяроджана на трох прыярытэтных абласцях ГЭФ: змяненні клімату ($5,6 млн), дэградацыі зямель ($1 млн) і біяразнастайнасці ($2 млн). 10 % ад агульнай сумы будзе накіравана на рэалізацыю праектаў у межах Праграмы малых грантаў ГЭФ у нашай краіне.

Як расказалі ў Мінпрыроды, з мэтай фарміравання якаснага партфеля праектных заявак, для рэалізацыі якіх плануецца прыцягнуць сродкі ГЭФ, прыродаахоўнае ведамства стварыла міжведамасную рабочую групу па супрацоўніцтве з фондам пад кіраўніцтвам міністра прыродных рэсурсаў і аховы навакольнага асяроддзя Андрэя Худыка. Яе ўдзельнікі разгледзяць і ацэняць праектныя заяўкі на адпаведнасць нацыянальным прыярытэтам і міжнародным абавязацельствам краіны, узятым у межах шматбаковых экалагічных пагадненняў, і адбяруць найлепшыя з іх.

Прыём праектных прапаноў Мінпрыроды ажыццяўляе з 10 ліпеня па 10 жніўня 2018 г. Усе прапановы павінны быць накіраваны на рашэнне экалагічных задач у прыярытэтных сферах ГЭФ.

Акрамя таго, адзначылі ў Мінпрыроды, для рэалізацыі праектаў у пазначаных тэматычных сферах фінансавая падтрымка ГЭФ будзе аказана атрымальнікам дапамогі пры выдзяленні імі суфінансавання ў памеры 75 % ад агульнага бюджэту праекта.

Накіроўваць праектныя прапановы можна на адрас: вул. Калектарная, 10, 220004, г. Мінск ці на электронную пошту іcd@mіnprіroda.gov.by з пазнакай ГЭФ-7. Інфармацыю пра дзейнасць ГЭФ і правілы афармлення праектных заявак можна прачытаць на сайце фонду.

Вераніка КОЛАСАВА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.