Вы тут

Турыстычны аўтобус перакуліўся ў Аршанскім раёне


Турыстычны аўтобус міжнародных зносін перавярнуўся ў Аршанскім раёне, паведаміў начальнік аддзялення агітацыі і прапаганды ДАІ УУС Віцебскага аблвыканкама Аляксандр Казючыц.


Фота: vk.com/vitebsk__jai

Здарэнне з аўтобусам міжнародных зносін Кіеў-Талін, на борце якога знаходзіліся 53 чалавекі - грамадзяне Украіны, Малдовы і Расіі, адбылося ў 4.30 2 жніўня. Паводле папярэдняй інфармацыі, кіроўца заснуў за рулём і на 186-м км аўтадарогі М8 каля вёскі Светачоўка наехаў на светлавую апору, пасля чаго аўтобус перакуліўся на бок у кювет па ходзе руху.

Для ацэнкі фізічнага стану ў бальніцу былі дастаўлены 12 чалавек. Восем з іх ужо агледжаны ўрачамі і адпушчаныя. Па словах медыкаў, сур'ёзных траўмаў у аварыі ніхто з пацярпелых не атрымаў і ў шпіталізацыі не мае патрэбы.

Супрацоўнікі міліцыі і работнікі МНС арганізавалі дастаўку астатніх пасажыраў у гасцініцу, ім аказваецца іншая неабходная дапамога. У бліжэйшыя гадзіны ў Оршу з Ліды прыедзе рэзервовы аўтобус, на якім турысты працягнуць паездку ў суправаджэнні ДАІ.

Аляксандр Казючыц таксама дадаў, што пры вывучэнні тахографа было ўстаноўлена, што перазменка кіроўцаў павінна была адбыцца ў 5.00.

БЕЛТА

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.