Самыя лепшыя зборшчыкі чарніц атрымалі падарункі, а ўсе прысутныя — па кавалку духмянага пірага.
У Воранаўскім раёне ўжо нарыхтавалі чатыры тоны лясных ягад. Летась атрымалася закупіць у насельніцтва толькі 700 кілаграмаў. І нарыхтоўка працягваецца. Самай «ягаднай» лічыцца тэрыторыя каля вескі Больцішкі. Тут жывуць і самыя лепшыя зборшыкі ягад — Алена Цевель, Ганна Юрэвіч, Ірына Бароўская. У «ягаднай» вёсцы летась вырашылі распачаць чарнічны фэст. Сёлета свята прайшло другі раз.
Арганізатары падрыхтавалі для мясцовых жыхароў і турыстаў цікавую праграму. Нямала знайшлося ахвотных з'есці шклянку чарніц на хуткасць, весела прайшоў конкурс-дэфіле з чарніцамі. Была абрана і свая каралева «Чарнічнага фэсту» Ягадная пані — вясёлая і каларытная Людміла Лебядзевіч з Нацкага культурна-краязнаўчага цэнтра. Галоўным сюрпрызам свята стаў чарнічны дэсерт — вялізны пірог, якога хапіла ўсім прысутным.
Маргарыта УШКЕВІЧ
Фота Вольгі ВАРАБ'ЁВАЙ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.