Да новага навучальнага года «Беллегпрам» выпусціць 350 новых мадэляў швейных вырабаў. Яшчэ 150, якія летась карысталіся найбольшым попытам, запланаваны да паўторнага выпуску.
Кошты на камплекты адзення дзелавога стылю для школьнікаў вагаюцца ад 77 да 181 рубля. Набыць жакет, камізэльку, спадніцу і блузку для дзяўчатак 1—4 класаў абыдзецца ў 77—120 рублёў, для 5—9 класаў — 79—130 рублёў, для 10—11 — 116—165 рублёў. Камплект для хлопчыкаў (у складзе якога пінжак, штаны і кашуля) 1—4 класаў будзе каштаваць ад 85 да 106 рублёў, для 5—9 класаў — ад 96 да 125 рублёў, для 10—11 — ад 123 да 151 рубля. Той жа набор, але з камізэлькай будзе даражэйшы на 15—30 рублёў. Гэта адпускныя цэны з падаткам на дабаўленую вартасць, гандлёвую надбаўку крамы ўстанаўліваюць самастойна.
У «Беллегпраме» адзначаюць, што прыслухоўваюцца да пажаданняў вучняў і іх бацькоў, Міністэрства адукацыі. Напрыклад, прапануюць мадэлі з трыкатажу, якія не абмяжоўваюць рух, выкарыстоўваюць спалучэнні розных фактур тканіны, нятканыя матэрыялы, каб зрабіць форму больш разнастайнай.
Наталля ЛУБНЕЎСКАЯ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
