Вы тут

Грамадскасць Навагрудка выступіла за добраўпарадкаванне тэрыторыі крыніцы


Грамадскасць Навагрудка выступіла з ініцыятывай добраўпарадкавання тэрыторыі крыніцы, размешчанай у самым цэнтры горада, у ваколіцах Замкавай гары.


Раённыя арганізацыі БРСМ і «Белай Русі» арганізавалі з гэтай нагоды працоўную акцыю. Актыў грамадскіх аб'яднанняў правёў абкошванне пустазелля навокал, ачысціў саму крыніцу ад камення і галінак. Дзякуючы сумесным намаганням яна набыла новы дагледжаны выгляд. Цяпер жыхарам і гасцям горада будзе зручна набраць вады ў гэтым прыгожым куточку.

— Нашы продкі заўсёды старанна аберагалі крыніцы. Людзі сачылі, каб у ваду не трапляла смецце, упрыгожвалі месцы вакол іх. На жаль, сучаснае жыццё, цэнтральнае водазабеспячэнне прывялі да таго, што некаторыя крыніцы сталі закінутымі і незапатрабаванымі. Апошнім часам для нас жыццёва важнай праблемай з'яўляецца вяртанне да вытокаў, адраджэнне беражлівага стаўлення да розных прыродных аб'ектаў, — кажа першы сакратар Навагрудскай раённай арганізацыі БРСМ Вольга Шнігір. — У тым ліку і крыніцы неабходныя ўсім нам, каб памятаць продкаў, паважаць традыцыі народа, сваёй малой радзімы. Да таго ж яны свайго кшталту паказчык экалагічнага стану таго месца, у якім знаходзяцца.

Сяргей РАСОЛЬКА

Загаловак у газеце: Крыніца, дай вады напіцца!

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».