Работу збожжаўборачнага камбайна мадэлі «Палессе GS2124» кіраўнік дзяржавы ацаніў на палях ААТ «Александрыйскае» Шклоўскага раёна Магілёўскай вобласці.
Распрацаваны новы камбайн на аснове мадэлі КЗС-1624. Сучасная машына абсталявана аўтакіраваннем па спутніку або па сігнале ад станцыі навядзення на Зямлі. Акрамя гэтага, сярод яе навінак — сістэма дакладнага земляробства, якая дае магчымасць вызначаць ураджайнасць пэўнай часткі поля. Затым на аснове даных складаецца агульная карта ўрадлівасці. Для аблягчэння абслугоўвання машына абсталявана сістэмай дыстанцыйнага маніторынгу: аварыйны сігнал адразу накіроўваецца ў сэрвісны цэнтр. Відэаагляд дапамагае рабочаму трымаць пад кантролем зону выгрузкі збожжа, а палепшаны саломасепаратар павялічвае хуткасць камбайна да 6-8 км/г.
Выпрабаванні на палях цяпер праходзяць тры новыя машыны мадэлі GS2124.
— Гэта камбайны для тых гаспадарак, якія навучыліся рыхтаваць глебу. Калі ледзь-ледзь няроўнасць — усё, ён плыве, ловіць гэтыя няроўнасці, бо жатка аўтаматычна рэгулюецца. Таму патрэбны высокія тэхналогіі па рабоце з глебай. Але трэба дапрацаваць, гэта сапраўды камбайн будучыні, — цытуе словы Прэзідэнта БелТА.
Падчас наведвання сельгасугоддзяў «Александрыйскага» Прэзідэнту далажылі, што ўраджайнасць беларускіх сартоў збожжавых культур значна вышэйшая за імпартныя. Аляксандр Лукашэнка на гэта заўважыў, што сельгасарганізацыям неабходна арыентавацца на насенне беларускай селекцыі.
Марыя Дадалка
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
